Toqutaasimagunartoq pillugu takunnittoqarsimanngilaq
Tasiilami politiit sapaatip akunnerani toqutaasimagunartumik takunnissimasinnaasunik ujaasineranni paasissutissiisinnaasunit saaffigineqanngillat
Tasiilami politiit ippassaq marlunngornermi arnamik 63'inik ukiulimmik imerniartarfiup 'Klubbip' eqqaani toqungasumik kiinnamigullu innarlerneqarujussuarsimasumik sapaammi ullakkut siumuisoqarnerata kingorna takunnissimasinnaasumik ujaasipput.
Politiit annilaanngatigaat arnap kiinaata ajoqquserujussuarsimanera pissutigalugu toqungasoq pinerlineqarsimasoq.
Kisianni politiit manna tikillugu inunnit sapaammi ullaakkut arferngup siorna takunnissimasinnaasunit imaluunniit Tasiilami 'Klubbip' eqqaani nipinik nalinginnaanngitsunik tusaasimasinnaasunit saaffigineqanngillat, Tasillami politiit Sermitsiaq.AG'mut ilisimatitsipput.
Suliami tigusaasoqaranilu pasinnittoqanngilaq, ilisimatitsissummi oqaatigaat.
Tasiilami politiit 98 14 48 atorlugu saaffigineqarsinnaapput.