Skip to main content

Isumaqatigiissut nutaaq saarullinnik amerlanernik nassataqarpoq

Russinik aalisarneq pillugu nutaamik isumaqatigiissuteqarnermi Kalaallit Nunaata saarullittassai amerlipput. Illuatunngaani kuller-inik pisassagut annaavagut 

Ruslandip imartaani aappaagumiit saarulliit amerlanerit pisassarilerpagut illuatungaani kulleri-it tonsinik arlalinnik ikileriaatillit naammagisariaqarpagut. 

Tamanna aalisarneq pillugu isumaqatigiinniarnerit Ruslandimi illoqarfimmi pingaarnermi Moskvami ullut kingulliit marluk ingerlanneqartuni anguneqartoq, Namminersorlutik oqartussanit nalunaarutigineqarpoq. 

Eqqortumik oqaatigalugu Ruslandip imartaani kalaallit saarullittassaat 600 tonsiniit 5.900 tonsinut amerlineqarput kuller-init pisassat pingajorarterutingajammik ikileriartut ukiumut 1.500 tonsiniit aappaagu 530 tonsinut. 

Tassa kalaallit aalisartut russit imartaani aalisarsinnaanerat allannguuteqarujussuartoq illuatungaagut russit aalisartuisa nunatta imartaani aalisarnerat allannguuteqangaassanngilaq. Taakkua Kitaani Tunumilu qaleralittassaat taamaaginnarput suluppaagartassaat 100 tonsimik ikileriaateqartut.

Isumaqatigiissutip aallaavigaa 1992-imi Ruslandimik aalisarneq pillugu isumaqatigiissusiaq.

Allannguutit pillugit assitaliussami paasiniaasinnaavutit. 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER