Skip to main content

Royal Greenland sulisunik angerlartitsiinnartoq

Ilulissani raajanik tunisassiorfimmi sulisut 35-t suliassaqanngillat taamaattumik ataasinngornermi angerlartiinnarneqassapput - qaammammi ataatsimi suliassaqannginnissartik naatsorsuutigisariaqarpaat 

Royal Greenlandip Ilulissani raajanik tunisassiorfiutaani sulisut pingajui tamarmik nuanniitsumik nutaarsiassinneqarput. 

Sulisut 35-t ataasinngornermik angerlartinneqassapput aatsaallu januaarip arfineq-aappaani suliartoqqinnissaannik qalerrinneqassallutik, Royal Greenland tusagasiivinnut nalunaarummi allapput. 

- Pissusiviusut assigiinngitsut pissutigalugit, tassalu tunisassianik tulassuisut decembarimi tulaassuinissaminnik annikilliliiniarnerannik peqquteqartumik, raajaleriffimmi paarlagiiaat marluusut sulinerannik unitsitsigallarnermik kinguneqartariaqalerpoq, taamalu sulisut 35-t angerlartinneqarallartariaqassallutik, tusagassiivinnut allakkami ersippoq tassannga aamma takuneqarsinnaavoq tulaassisartut Sisimiuni tunisassiorfimmut tulaassisarnini nuussimagaat, taamaattumillu Ilulissat eqqorneqarujussuartoq.

 

Akilersinnaasumik inerniliisoqarsinnaanngilaq
Tunisassiorfiup pisortai sulisut tamarmik suliassaqaannarnissaa anguniarlugu ilungersoraluartut, tunisassiorfiup pisortaa erseqqissaavoq. 

 

- Sulisut tamarmik paarlagiiaatut marlutut sapaatip akunnerani ulluni tallimani suliinnarsinnaanissaannik periarfissaq misissorsimavarput. Naatsorsuinittali ersersippaat tamanna sulisunut tunisassiorfimmullu imminut akilersinnaanngitsoq, tunisassiorfimmi ingerlatsisoq Hans Lars Olsen oqarpoq.

 

Sulisut 35-t angerlartinneqarallartussat raajaleriffimmi, tunisassianik piuminarsaavimmi, eqqiaasutut, kantinami, tappiorannartuleriffimmi aammalu raajanik qajuusiorfimmi sulisuupput

Sulisut 70-it tunisassiorfimmi sulinerminnik ingerlatsiinnassapput.  

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER