Toqungasumik pinerlineqarsimasinnaasumik ilisimasaqarsinnaasut ujarneqarput
Sapaatip akunnerata naanerani arnaq 63'nik ukiulik toqungasoq siumorneqarpoq pinerlineqarsinnaavoq kiinnamigut ajoqquserujussuarsimagami
Annonse
Tasiilami arnaq 63-inik ukiulik sapaatip akunnerata naanerani toquvoq.
Imerniartarfiup 'Klubbip' eqqaani sapaammi ullaakkut tallimat arferngullu akornanni siumorneqarpoq toqungasoq kiinnamigullu innarlerujussuarsimasoq.
Arnap ajoqqusersimanera pissutigalugu politiit annilaanngatigaat arnaq pinerluttuliorfigineqarsimasoq takunnissimasinnaasunillu ujaasillutik paasisaqarnerorusullutik.
Taamaattumik inuit kikkulluunniit Tasiilami 'Klubbip' eqqaani sapaammi ullaakkut arferngup siorna takusaqarsimasinnaasut tusaasaqarsimasulluunniit Tasiilami politiinut saaffiginneqquneqarput.
Tamanna oqarasuaat 98 14 48 atorlugu paasissutissiisoqarsinnaavoq.