Skip to main content

Peqquserlulluni iluanaarniarneq pillugu innuttaasut ataatsimiisinneqassasut

Transparency Greenland Sisimiuni innuttaasunik ataatsimiigiaqqusivoq. Suliniutinut angisuunut inatsit paasisaqarfigiuk peqquserlulluni iluanaarniarnissaq eqqarsaatersuutigalugu  

Kalaallit Nunaanni peqquserlulluni iluanaarniarneq ullumikkut siunissamilu - ulorianartorsiorpugut? Taamak qulequtsiilluni Transparency Greenland ataasinngornermi decembarip pingajuanni Hotel Sisimiuniut innuttaasunik ataatsimiisitsinermut ammasumut nal. 19.00 qaaqqusivoq.

Transparency Greenlandip suliniutigai peqquserluutit qanorluunniit ittut akiorniarneqarnissaat. Peqquserluuteqartarnerit assigiinngitsorpassuupput, ilisarnaatigalugit 'tatiginninneq aallaavigalugu pissaaneqartut imminnut iluaqqusiiniartarnerat' ilisarnaatigerpiarlugu. Suliniaqatigiiffiup aallaavigaa aningaasatigut peqquserluuteqartarnerup nunarsuarmi atugarissaarneruleriartornissaq aamma ineriartornissaq akornuserneqartarnerat.

Ataatsimiinnermi peqquserluutit suuvinneri pillugit saqqummiisoqassaaq aamma Kalaallit Nunaanni peqquserluttoqarnissaa pinaveersaarniarlugu sulineq taamak pingaaruteqartiginersoq.

Tunngaviatigut inuiaqatigiinnut tamarmut aningaasaqarnikkut iluaqqutaasussaq anguniarlugu suliniartoqarpoq, Transparency International tusagassiivinnut allappoq.

- Kalaalit nunaanni aningaasaqarnermik ingerlatseriaaseq allanngoriartorpoq aatsitassanik aningaasarsiornermut nikikkiartorluni. Transparency Internationalimi nunarsuaq tamaat misissuinermi erseqqissivoq pisortat sanaartortitsiviini, uuliasiornermi aamma aatsitassarsiornermi nunarsuarmi suliassaqarfinnit tamanit peqquserluffiunerpaajusartut. Ileqqussat eqqortut inissinnerisigut qulakkeerinneqataassaagut Kalaallit Nunaanni isumalluutinik peqarnerup akornutaanit eqqorneqarnaveersaarnissamut - annertuumik pisortat ingerlatseriaasianni peqquserluuteqartarnerit, Anders Mejlvang, Transparency Greenlandip siulittaasua oqarpoq.

Ataatsimiinnermi suliniutinut angisuunut inatsisissatut siunnersuutit aamma sammineqassapput, aamma eqqartorneqassalluni sooq Transparency Greenlandip siunnersuut ajornartorsiuteqarsorineraa.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER