Skip to main content

Ilisimajunnaartinneqarnermi kingorna angut koma-rpoq

Københavnimi politiit kalaallimik angummik 37-nik ukiulimmik saassussinermi isiginnittunik ujarlerput 

Kalaaleq angut 37-nik ukiulik tallimanngormat ualikkut Københavnimi Mozarts Plads-imi bussit unittarfianni svensknøglenik niaqqumigut anaaneqarpoq.

Ima sakkortutigisumik anaatissimavoq, angut niaqqumigut angisuumik kilerluni ilisimajunnaarlunilu.Takuneqarsimanngilarli angut 37-nik ukiulik qanorpiaq pineqarsimanersoq, saassussineq ullukkut qaamanerani pigaluartoq.

Taamatut allappoq Ekstra Bladet.

- Koma-rtoq anersaartuuteqartinneqarpoq, inuunerminilli ulorianartorsiunngikkallalluni. Manna ajortuliorfittut isigaarput misissorlugu tassani paasissutissaqarnersoq. Qanoq pisoqarsimanersoq oqaatigiuminaappoq isiginnittoqarsimanngimmat, Københavns Politi-ni pigaartut naalagaat Kim Nicholsen oqarpoq.

Københavnimi Politiit inunnit, ulloqeqaata missaani Københavnimi Mozarts Plads-imiissimasunit, tusagaqarusuttorujussuupput.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER