Skip to main content

Eqqarsaqqaannginneq akisusinnaavoq

Aleqa Hammond Naalakkersuisut siulittaasuattut takorlooruminaappoq, eqqarsaqqaarani oqaluleraangami politikkimik nalilersuisartoq oqarpoq

- Aleqa Hammond Naalakkersuisut siulittaasussaatut takorlooruminaappoq, taamaaliornermigut eqqarsaqqaarani oqaaseqaateqarami, politikki pillugu nalilersuisartoq Jakob Janussen Sermitsiaq.AG'mut oqarpoq. Ulluni kingullerni Siumup siulittaasua politikkikkut anorersuarsiorpoq eqqarsarluaqqaarani Facebookikkut Greengems, Kuupik Kleistip aamma Ove Karl Berthelsenip nuliaat pillugit oqaaseqarnermi kingorna.

Siumup siulittaasuata oqaaseqaatini kingorna utoqqatsissutigaa Facebookimilu allakkani piiarlugu, kisianni Jakob Janussen naapertorlugu Aleqa Hammondip tamannarpiaq ilisarnaatigaa: 

- Aleqa Hammond piffissami sivisoorujussuarmi sukkavallaamik qisuariaateqartarpoq, Jakob Janussen oqarpoq, taanna isumaqarpoq Siumut aqutsisua siulittaasuuffimmik tigusigamili imassamik saqqummiussigani annerusumik ilutsimik saqqummiussisoq. 

 

Isumaqaraluarpoq Aleqa imartunerusoq
- Saqqummeqqaarmat isumaqaraluarpunga imartunerusoq kingornali paasinarsivoq nuannarineqarnissaminik kissaatigisaqarpallaartoq, Jakob Janussen nalilersuinerminik nangitsivoq.

Atuaruk"Aleqa: Quiasaarinialaaraluarpunga"

Taamannak aqutseriaaseqarneq Siumup tunuliaqutaannit annersumik tapersersorneqarnavianngilaq Jakob Janussenip nalilersuinera nangippoq:

- Upperiuminaappoq Siumumit aqutseriaasia tamakkiisoq naammagisimaarneqartoq, taamannak oqaluinnarsinnaammat.  

Nunatsinni Siumut borgmesterit pingasut marlunngornermi oqaatigaat Aleqa Hammond assingusunik oqaaseqaateqarnissaa neriuutigineqanngitsoq. 

Sermitsiaq.AG'mi taasisitsinermi inerniugallartup aamma ersersippaa atuisut pingajorarterutaat isumaqartut Aleqa Hammondip oqaaseqaatai Siumumik akornusiissasut.

Aleqa Hammond arlaleriarlugu oqaaseqartinniarlugu saaffigisaraluarparput qisuariaateqarnerli Sermitsiaq.AG'lli saaffiginnissutaanut ajorpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER