Skip to main content

Jakob aamma Minik tv-kkut aallakaatinneqartumik unammissapput

Sisamanngornikkut ualikkut Otterup HK aamma 1. divisionimi suli ajorsartinneqanngitsut GOG naapissapput. Unammineq TV'kkut aallakaatinneqassaaq toqqaanartumillu internettikkut isiginnaarneqarsinnaassalluni

Sisamanngornikkut ualikkut nunatsinni nalunaaqutaq 15.00 Otterup HK aamma maannamut unamminerit aqqaneq-marluk GOG Danmarkimi 1. divisionimi suli ajorsarsimanngitsut naapissapput.

Kalaallit Nunaanni soqutiginnittut internettikkut  unamminermik malinnaanissaminnut. Unammineq toqqaannartumik Kanal Sport-ikkut aallakaatinneqassaaq.

Isiginnaartartut aamma Otterup Hallini unammiffiusussami malinnaasorpassuusussat naatsorsuutigisariaqarpaat angutit unamminissaat pissanganartoq, Fynimi assammik arsartartut pitsaanerpaartaat sorliit angusarissaarnerussanersut.

Kalaallit Nunaanni isiginnaartartunut periarfissaq qaqutigoortuuvoq tassami unamminermi takuneqarsinnaassammata GOG'mi sungiusaasoq aamma GOG'mi arsartartup sapaatip akunneri tulleriiaarlugit nunatsinnit arsartartuunermik takutitsilluartarnerat.

GOG 1. divisionimi angusarinnerpaatut inissisimavoq 24-nik pointeqarluni, Otterup HK pitsaanerit qulingattut inissisimavoq arfineq-pingasunik pointeqarluni.

 

GOG ajugaasussatut naatsorsuutigineqarput
GOG'p inissisimanera qiviaannaraanni allat arsaaffianni arsartussaagaluarlutik ajugaasussatut naatsorsuutigineqarput. Taamaattoq sungiusaasuuneq Jakob Larsen mianersoqqusivoq:

- Nunap immikkoortortaani tassani unammineruvoq taamaattumik qanorluunniit pisoqarsinnaavoq. Holdit marluk imminnut nalunngilluarput, taktikki eqqarsaatigalugu tupaallaataasinnaasut amerlagatik. Aamma unammiuaarneq tamakkerlugu isigissagaanni unamminissaq una Otterup HK'mit ajugaaffigineqarnissaa kissaatineqaqaaq isiginnaartuniillu illersorluarneqassapput, taamaattumik naatsorsuutigaaput sekundimit siullermit suut tamaasa atorlugit unammisoqassasoq, Jakob Larsen Sermitsiaq.AG'mut oqarpoq nangillunilu:

- Naak oqariartaaseq nungullaraluartoq ullormi tassani unammilluarnerpaat aalajangiisuussapput, Jakob Larsen naggasiivoq.

GOG-mi arsartartut imminnut neriorsoqatigiipput Otterupimit pointinik marlunnik angerlaassissallutik. 

Kanal Sportip unamminerup aallartinnissaa sioqqullugu minutsit 30-t sioqqullugit aallakaatitsineq aallartissavaa. Unammineq nunatsinni nalunaaqqutaq 15.00 aallartissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER