Skip to main content

EUp taamaatiinnarnera kammatigaa

EU-kommissionip piffissaq kingullerpiaq atorlugu ippassaq Kalaallit Nunanni aatsitassat qaqutigoortut pillugit ataatsimiinnermut peqataanissani taamaatiinnarpaa. Kissaammissutigineqarpoq ernumassutaallunilu 

Kalaallit Nunaanni aatsitassarsiorneq aamma Issittumi imminut napatissinnaasumik ineriartortitsineq pillugu ataatsimiinnissap minutsialunnguanik aallaartinnissaa sioqqullugu aaqqissuisut isumaqaraluarput, Europa-Kommissionip sinniisua, qaffasissumik atorfilitta Mattia Pelligrini ataatsimiinnermut peqataassasoq. 

Kisianni Pelligrini nalunaarutigineqartutut takkutinngilaq illuatunngaani sulisumi ilaat aggersinnaannginnini pillugu piffissaq kingullerpiaq oqariartortippaa. 

- Kamassimaaqaanga aamma pakatsisorujussuuvunga kommissionimit ippassaq unnukkut (ataasinngornermi unnukkut aaqq.) sumiginnarmatigut. Apeqquterpassuit apeqqutigisassaagaluakka maannakkut ataatsimiinnerup kingorna suli apeqqutit taakku pigaakka, Margrete Auken, SF Europa-Parlamentimi qorsuit akornanni ilaasortaq oqarpoq.   

- Naak Maliina Abelsen oqallinnerup nalaani pikkorikkaluaqisoq uppernassusilimmillu akisaraluartoq suli apeqqutissaagaluakka niaqunniitippakka. Kalaallit Nunaat pillugu ernumavunga. Isumaqarama unammilligassat alliartorpasittut amerlanernit suli ilisimaneqanngitsut qanoq pingaaruteqartiginersut aamma qanoq artornartigilersinnaanersoq, Margrete Auken Sermitsiaq.AG'mut oqarpoq.

 

Naalakkersuisunit suliarineqarnera ernummatigaa
Ilisimatusartup Damien Degeorgesip ernummatigaa EU-Kommissionip aningaasaqarnermut Naalakkersuisumik Maliina Abelsen, IA'mut pissusilersuutaat, taanna Naalakkersuisut sinnerlugit Margrete Aukenip ataatsimiititsineranut peqataavoq aamma Kalaallit Nunaata aningasaqarnera imminullu napatissinnaasumik ineriartortoqarnissaa pillugu saqqummiussiartorpoq.

- Paasisinnaanngilara sooq kommissionip qaffasissumik atorfilittamik aggersaanngitsut Antonio Tajani nammineq pisinnaatinnagu. Taamannak aningaasaqarnermut Naalakkersuisuimut pissusilersorneq ernumanarpoq Damien Degeorges naliliivoq, taassuma ukiuni qulini EUp aamma Kalaallit Nunaata atassuteqatigiinnerat malinnaaffigaa.

- Taamannak pissusilersortoqarnera pitsaasuunngilaq, Damien Degeorges.

Maliina Abelsen taamaallaat aalajangiussimasaminik oqaaseqaannarpoq tassalu EUmik suleqateqarneq pingaartuusoq:

- Kalaallit Nunaata aamma EUp aatsitassat pillugit suleqatigiinnissamik isumaqatigiissutaat, Naalakkersuisut siulittaasuannit Kuupik Kleistimit aamma Europa-Kommissionimi siulittaasup tullianik Antonio Tajani atsioqatigiissutaasoq Kalaallit Nunaannut pingaaruteqarpoq. Qaninnerusumik suleqatigiinnissaq soqutigisaraarput aamma isumaqatigiissut una nangillugu sulineq ingerlaqqittariaqarpoq, Maliina Abelsen ataatsimiinnerup kingorna oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER