Skip to main content

Kalaallisut nipi millionilikkaanik akilik

Naqitanik atuarsinnaanngitsut, atuffarluttut, tappiitsut isigiarsuttullu nuannersumik nutaarsiassitinneqarput:  nuannersoq: Qarasaasianut atortorissaarut kalaallisut "atuarsinnaasoq" pilersinneqarnissaa 7 millioner koruuninik aningaasaliiffigineqarpoq

 

Aningaasaateqarfiup Villum Fonden ungasinngitsukkut 7 mio.kr.-nik aningaasaliissuteqaqqammerpoq ukiuni pingasuni aggersuni nunatsinni naqitanik isigisarsuttut, atuagarsornikkut sanngiissuseqartut, tappingersimasut aammalu isigiarsortut teknikkitigut ikiorsiissutigisinnaassassaannik ikiorsiissutissaanik ineriartortitsinissamut atorneqartussanik.

 

Oqaasilersuilluni ikiorsiissut tassaavoq qarasaasiatigut atortorissaarut nipitigut oqaatsinik allattariarsunngortitsisinnaasoq. 

Qarasaasiatigut oqaluttuusaartitsinerit europami amerikkallu avannaani nunanit amerlanernit atorneqalereersimapput. Taamaattoq kalaallisut suli pigineqarani tamannali aningaasaliinikkut allanngortinniarneqarpoq.

 

Nunamut tamarmut iluaqqutaassaaq
- Taamaattumik qarasaasiaq atorlugu naqitanik issuaasoqarluni nipinngortitsisoqarsinnaalernissaa nunatsinni innuttaasut akornanni ikinngeqisunut iluaqutaasinnaajumaartoq qularutigineqanngilaq. Tamanna aamma qarasaasiaq nammattakkamut toqqorneqarsinnaasoq atorlugu ilinniartitaanermik ingerlatsiviusunut neqerooruteqartalersinnaanissaq alloriarnerussaaq annikinngeqisoq, Ilinniartitaanermut naalakkersuisoq Palle Christiansen tusagassiivinnut nalunaarutikkut oqarpoq. 

Akeqanngitsumik neqeroorutaassaaq
Tusagassiivinnut nalunaarut naapertorlugu meeqqat atuarfianni atuartut sisamaat aamma tallimaat atuarniarnikkut ajornartorsiortarput, isiginiarnermikkut innarluutillit naqinnernillu ilisarinnissinnaanngitsut tagginneqarput innuttaasut 5-8 procenterigaat.

Nipit taakku inerisarlugit naammassippata akeqanngitsumik agguaanneqarumaarput.

Aningaasaateqarfiup Villum Fonden-ip 7 mio.kr.-nik aningaasaliissutai Velux Fondenip 2010-mi 3 mio.kr.-nik Oqaasileriffimmut aningaasaliissutigisimasaannut ilassutaassapput. Taakkua iluaqutigalugit teknologiskimik naqitat sapernannginnerusumik nutserneqartarsinnaanerat aqqutissiuunniarneqarpoq, taamaasiornikkut kalaallisut kalaallisuumiillu sukkanerusumik akikinnerusumillu nutserisitsisoqartalersinnaanissaa periarfissarsiuunniarneqarluni. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER