Skip to main content

Kalaallit Danmarkimiittut ukioq manna nuannannissaminnut periareerput

Inuit ileqquusumik juullisioqatigiittarnerat arfininngornermi decembarip aallaqqaataani Vejlemi ingerlanneqassaaq. Qularnanngilaq nuannivissorsuarmik katerittoqassasoq 

Arfininngorneq decembarip aallaqqaataa Inuit ileqquusumik juullisiortitsinissaat ingerlanneqassaaq.

Tamanna Vejlemi DGI-Husimi pissaaq Inuit Kalaallit Nunaannut juullimut inuulluaqqusinerannut atatillugu. 

Pisussaq pillugu nittartakkatigut inuit attaveqatigiiffiini allaaserisat naapertorlugit Vejlemi pisussaq aatsaat taamak ornigarneqartigissagunarpoq.

Ullup ingerlanissaanut Inuit aaqqissuussipput soorlu ukiut kingulliit 30-t taamak pisartut. Ullorsiornissaq aallarnerlugu Vejlemi Sct. Nicolai Kirkemi nal. 11.30 naalagiaqatigiittoqassaaq, Nunatsinnut inuulluaqqusinerpiaq DGI-Husimit nal. 14 ingerlanneqassalluni. Immiussat juullikkunni KNR-TV-ikkut aallakaatinneqassapput orpiliaqatigeereernerup meeqqallu pinnattaassinneqareernerisa kingorna nereqatigiittoqassaaq. 

Ulloq takisooq qularnanngitsumillu kalaaleqatinik naapitsilluni nuannaffiusussaq naggaserlugu qitittoqassaaq Copy Paste nipilersortoralugit. Copy Paste ukioq manna Tusa ingerlanneqarmat nuannarineqartorujussuupput, nipilersoqatigiit kalaallit Danmarkimi ilinniakkamik ingerlatsisut tusaaqqinnissaat qilanaarineqarluni.  

Kalaallit peqatigiiffii Inuit ataanni inissisimasut Danmarkimit sumit tamanit ullormi tassani peqataajartorlutik takkutissapput, ataatsimut saqqummiunneqartussat sivisuumik sungiusarnikuugamikkik qilanaarput. Decembarip aallaqqaataani Vejlemi pisussamut peqataaniat amerlasuut bussinik attartueqatigiipput. Takkunniaraanni nalunaaqaarnissaq pisariaqanngilaq. 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER