Skip to main content

Qallunaat aningaasaliissuteqarnissaannut Kuupik ammatitsivoq

Nunanut allanut ministerip Villy Søvndalip tikeraarnerani pissarsiat Naalakkersuisut siulittaasuata Kuupik Kleistip naammagisimaarpai 

Nunanut allanut ministerip Villy Søvndalip pisortatigoortumik ulluni pingasuni Nunatsinnut tikeraarnera sisamanngormat naavoq.

Tikeraarnera Naalakkersuisut siulittaasuata Kuupik Kleistip, Inuit Ataqatigiit, naammagisimaarluarpaa, sammisassat arlallit oqaloqatigiissutigineqarsimammata, ilaatigut qallunaat Kalaallit Nunaanni aningaasaliissuteqarnissaat.

- Ministeriunerup oqarsimanera, tassa nunatsinni ineriartornermut periarfissani qallunaat peqataatinnissaannik Kalaallit Nunaat nammineq suliniuteqassasoq, Villy Søvndalip taperserpaa, Kuupik Kleist oqarpoq.

Taassuma mattutinngilaa Naalakkersuisut ´tamatumani issittumilu sumiiffinnut attuumassutilinnut allanut suliniutaasinnaasunik erseqqinnerusumik misissuinissamik suliniuteqarsinnaanerat´.

Naalakkersuisulli siulittaasuata erseqqissarpaa ´qallunaajuneq pissutigalugu minitaasoqassanngotsoq. Aningaasaliissuteqarsinnaaasut nunanit allanit soqutiginnittunut unammillersinnaassapput. Qallunaalli aningaasaleerusuttut Kalaallit Nunaanni iluaqutissartaqarput, nunatta marluk oqaluttuarisaanikkut attaveqarnerat pissutigalugu aammalu imminnut ilisarisimagamik´.

Atuaruk "Villy: Nammineq aalajangiissaasi"

Atuaruk "Imatut Danmarki akulerutsinneqarsinnaavoq"

Qaninnerusumik suleqatigiinneq
Ilanngullugu Kuupik Kleistip paasissutissiissutigaa, Naalakkersuisut qallunaallu naalakkersuisui nunanut allanut politikkimi suli qaninnerusumik suleqatigiissasut, pingaartumik Issittumi ineriartorneq pisariaqartitsimmat qaninnerusumik attaveqarnissamut aammalu paasissutissanik isummanillu taarseeqatigiinnissamut.

Kalaallinit kissaatigineqarpoq periarfissat oqaloqatigiissutigineqarnissaat, ilaatigut sulisunik taarseeqatigiinnissaq aammalu Kalaallit Nunaata Danmarkillu akornanni ´sandhedskommission´-imik pilersitsinissamik.

- Ilanngullugu illua'tungeriit aamma isumannaatsuunermut politikkimi tunngasuni akulerutsinneqartarnissamik Kalaallillu Nunaata Danmarkillu akornanni suleqatigeeriaatsip oqaloqatigiissutiginerat nangissavaat, Kalaallit Nunaanni aatsitassatigut ilimanaateqarnerup aammalu nunanut allanut politikkimi annertunerujartuinnartumik inissisimalernerup kingunerisaanik, tusagassiorfinnut nalunaarummi allassimavoq.

Atuaruk "Kuupik killiliivoq"

Atuaruk "Villy Søvndal: Amerlanerusut Kalaallit Nunaat tusaanialerpaat"

Ilanngullugfu atuaruk Issittumi ineriartornermut aammalu Kalaallit Nunaannik suleqatigiinnermut Villy Søvndal qanoq isumaqarnersoq Sermitsiami saqqummersumi, tassanilu ilaatigut atuarsinnaavat allaaserisaq "Soraarnerussutisianut aningaasaateqarfiit suli Kalaallit Nunaat soqutigaat". Aviisi pisiariuk uani:

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER