Skip to main content

-Nipangiussinermik periuseq pitsaanngilaq, Kuupik

Periuseq pitsaasuunngilaq Ove Karl Berthelsen SIK-lu suliniussuarnut oqallinnermi imminnut oqaaseqaqqusiunnaarmata. Ammasuunissamik neriorsuut sumut piva, Siumup siulittaasua aperivoq 

- Ilumorluinnaq, Kuupik. Qanoq-una pisoqartoq? Maanna suli matoqqasoqarnerulerpoq isertuussisoqarnerulerlunilu.

Taamatut oqarpoq Siumup siulittaasua Aleqa Hammond paasineqarmat aatsitassanut inuussutissarsiornermullu Naalakkersuisoq Ove Karl Berthelsen, IA, SIK-llu siulittaasua Jess G. Berthelsen suliniussuarnut inatsit pillugu oqallinnermi imminnut oqaaseqaqqusiunnaarsimasut, sammisat Naalakkersuisut SIK-llu akornannut tunngassutillit pineqartillugit.

Atuaruk "Ove Karl aamma Jess G - oqaaseqarumajunnaarput"

- Periarfissaaruttutut isikkoqarpoq piffissami kingullermi innuttaasut mattunneqarmata aalajangiinissamut, siunissami kinguaariinnut arlalinnut nunatsinnut sunniuteqartussaasumut, Aleqa Hammond Sermitsiaq.AG-mut oqarpoq.

- Oqallinnermi SIK nukittuumik sunniuteqarsimavoq, maannali oqaaseqaqqusaajunnaarluni. Periuseq pitsaasuunngilaq Naalakkersuisut ammasuunissamik neriorsuinikuummata, Aleqa Hammond oqarpoq, tamatumunngalu Naalakkersuisut siulittaasuat Kuupik Kleist akisussaatippaa.

Ove Karl Berthelsenip Jess G. Berthelsenillu piumassutsiminnik nipangersimaniarnertik imatut nassuiarpaat:

- Maanna kiisami pitsaasumik siunertalimmillu oqaloqatigiinnissamut alloriarpugut, tamatumunngalu pisariaqarpoq illua'tungeriit piffissami aggersumi suliamik taassuminngaannavik samminninnissaat. Akerlianik neriorsuivugut tamanut saqqummiussissalluta isumaqatigiissuteqarutta imaluunniit atorsinnaasumik isumaqatigiissuteqarallarutta, isumaqatigiinniartut taakkua marluk oqarput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER