Skip to main content

Seahawksit qulingiluat Lynx’inik paarlaassapput

Illersornissamut sakkutuut qulimiguullit Sikorsky Seahawk qulingiluat pisiarai. Taakkua Issittumi aamma imaani piiaasunik pinaveersaartitsinerni atorneqassapput. Akiat: 4 milliarder koruunit 

Danmarkip amikamiut qulimiguuliaat Sikorsky Seahawk qulingiluat pisiarai danskit sakkutuuisa helikopterissaasut amerikamiut imaani sakkutuui, US Navy, qulimiguulinnik nutaanik tunisaqartuupput, illersornissamik sakkutooqarfik ilisimatitsivoq.

- Seahawkit politikerinit toqqagaapput pissutigalugu qulimiguulik taamaattoq piumasaqaatigisatsinnik naammassinnimmat, generalmajor Flemming Lenfter, illersornissamik sakkutooqarfimmi pilersaarusiornermut immikkoortortamit tusagassiivinnut nalunaarpoq.

Aamma pingaartinneqarpoq qulimiguullit sanaartorneqareermata amerikamiullu imaani sakkutuuisa atugaralugit. Taamaaliorluta periarfissaqartinneqarpugut Natomik suleqatigiinnissanut angallassineq, sungiusarneq aamma siunissami qulimiguullit pitsanngoriaatigisinnaasaat pillugit. 

Illersornissaq pillugu isumaqatigiissummi pisinissaq isumaqataaffigineqarpoq - aamma isumaqatigiissut folketingimi partiinit kingusinnerpaamik pingasunngornermi akuersissutigineqassaaq, tamatuma kingorna illersornissamik ministeri Nick Hækkerup, Socialdemokratineersoq pissarsiassat Folketingip aningaasanut ataatsimiititaliaanut akuersissutigeqqullugit innersuutissavai. 

 

Issittumi atugaq Lynx taarserneqassaaq 
Sikorsky Seahawks nutaat qulingiluat pisiarineqassapput katillutik 4 milliarder koruunit missaannik akillit. Taakkua qulimiguulinnik Lynx'inik pisoqalisunik taarsiissapput, siullertut pingaarnerpaamillu Issittumi atorneqassallutik aamma immani piiaasunik.   

Illersornissamut sakkutuut naatsorsuutigaat qulimiguullit nutaat 2016-imi pissarsiarissallugit.

Tamatuma kingorna sakkutuut imarsiortut qulimiguulinnik miffigineqarsinnaasut Danmarkip, Nunatta, Savalimmiut aamma Issittup imartaani pitsaanerusumik sullissisinnaalissapput, naalagaaffik sinnerlugu suliassinneqartillutik, tusagassiivinnut nalunaarummi allassimavoq.

Italiamiut tuluillu qulimiguulik annaassiniarnermi atugassiaat AgustaWestland EH-101 Merlin, naggataa tikillugu piukkussanut ilaagaluarpoq.  

Piukkussaagaluaat AW-159 Wildcat naggataatigut toqqarneqanngitsoorpoq. EH 101 Danmarkimit 2006 eqqunneqaqqaaramili assut ajornartorsiutitaqarsimavoq. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER