Skip to main content

- Suliniutinut angisuunut inatsit nunatsinni suliffeqarfinnik pilersitsissaaq

Politikkikkut akisussaasoq Ove Karl Berthelsen kingumut suliniutinut angisuunut inatsit illersorpaa, taanna sisamanngornermi akuersissutigineqassasoq naatsorsuutigineqarpoq

Naak Siumut suliniutinut angisuunut oqallisaaqisumut partiip itigartitsilluni taasinissamik sioorasaarutertik atuutsiinnassagunaraat, inatsisissatut siunnersuut sisamanngornermi aappassaaneerneqassaaq, taamaattumik marlunngornermi novembarip 27-anni pingajussaaneerneqaruni akuerineqarnissaa ilimanarluni.

Tassunga atatillugu inuussutissarsiornermut aamma aatsitassanut naalakkersuisoq Ove Karl Berthelsen, Inuit Ataqatigiit isumaqarpoq, oqallinnermi paatsoorutaasimasut amerlanerpaat ilumuunnginnerat erseqqissaatigissallugu pisariaqartoq. 

- Oqaatigineqarpoq siunnersuut tunngavigalugu isumaqatigiinniarsinnaatitaaneq atorunnaarsinneqassasoq kiisalu nunatsinni sulinermik inuussutissarsiortut peqatigiiffiisa isumaqatigiinniarsinnaanerat aamma atorunnaarsinneqassasoq. Oqaatigineqarpoq suliniutinut angisuunut atatillugu nunanit allanit suliartortitat kalaallinit salliutinneqarnerussasut. 

- Kisianni siunnersuutip ataatsimilluunniit sulisitsisut aamma sulisut akornanni isumaqatigiinniarsinnaanerat ataatsimilluunniit innarlerneqarnavianngilaq, Ove Karl Berthelsen nassuiaavoq. 

Europami Inuit Pisinnaatitaaffiannik Isumaqagiissummi artikel 11 naapertorlugu 'kikkulluunniit kiffaanngissuseqarlutik inuit eqqissillutik katersuunneranni aamma peqatigiiffiit kiffaanngissuseqartut peqataaffigisinnaavaat, taassuma iluani sulinermut attuumassuteqartunik peqatigiiffinnik soqutigisanillu illersuillutik'.

Ove Karl Berthelsen naapertorlugu suliniutinut angisuunut inatsisissatut saqqummiussami aalajangiussimaneqarpoq suliffissaqartitsinermi kiffaanngissuseqarluni isumaqatigiinniarsinnaaneq. Taamaattumik naqissuserneqassaaq siunnersuutikkut aaqqissuussisinnaaneq killilersulerneqarnavianngimmat. 

 

Suliffissaaleqisut amerliartupiloortut  
– Siullermik pingaarnerpaatullu eqqaamassavarput Kalaallit Nunaanni suliffissaaleqineq qaffariartupiloormat, inuit amerlasoorujussuit nuna qimallugu nussormata aamma aningaasarsiornerup nunanut allanut naleqqiullugu appariartornera. Nunatsinni inuuniarnikkut ilungersunartorsiortut atugarissaarnerulissappata suliffeqarfinnik nutaanik ingerlatsivinnillu nutaanik pilersitsinissaq pisariaqarluinnarpoq. 

– Eqqaamasariaqarporli aallaaviusariaqarmat uagut nammineq nunatsinni sanaartornermi sakkussaqannginnatta suliniutinik angisuunik nammineq ingerlatsisinnaalluta. Aatsitassarsiortoqarnerata nalaani sunniutinik pitsaasunik atugaqartitaassagutta nunanit allanit sanaartornermi peqataasoqartariaqarpoq, Ove Karl Berthelsen erseqqissaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER