Soorlu sinnattupilummi inuulluni
Danmarkimi kalaallinik toqutsinerit marluk suli paasisaqarfigineqanngitsut politiinit suliassaatigineqarput. Politiit takussutissanik toqutsisumik qulaarisinnaasunik nassaarniarnerminni DNA-mi periutsinik nutaanik atuipput
Nalornineq annernarpoq. Qanoq pisoqarsimava aamma sooq – apeqquterujussuit akissutisineqanngitsut akisuapput.
Toqutaasunut qimagaasut ilarpassuini inuuneq taamatut nuanniitsunngortinneqarsimasarpoq. Immaqali eqqarsaatitigut artorsaatit inuit ilaannut oqiliallassinnaalissapput toqutsinermik sulianik arlalissuarnik politiit paasiniaaqqilersullu. Taama pisoqarpoq DNA-mi periutsit nutaat pitsanngoriaateqarsimasullu toqutsinerit paasiniaaviginerannut iluaqutaasinnaagunarmata.
Toqutsinermik suliat ammarneqaqqittussat ilaat tassaavoq Karmelle Victorie Thala Biancomik toqutsineq, Aalborgimi Østre Anlægimi pinnguartarfimmi 1995-imi juulip tallimaanni toqutaasimasoq nassaarineqartoq. Savimmik kapineqarluni toqutaasimavoq, toqutsinermulli pissutaasoq politiinit paasineqanngisaannarpoq – taamalu aamma toqutsisoq nassaarineqanngisaannarluni.
DNA-mi periutsit nutaat tusagassiuutinit malunnaateqarluartumik soqutigineqarput. Toqutsinernik suliat unitsiinnakkat arlallit eqqartorneqarput. 30-nilli ukiullip Vivi Inger Kristiansenip toqutaanera eqqaaneqanngilaq, anaanap inuusuttup taassuma qaammatini qulini periarfeerunneqareerluni timaa Ringstedip eqqaani orpippassuarni assaanneqarsimasoq 2009-mi maajip pingajuanni nassaarineqarpoq. Eqqaaneqannginnerali nassuiaatissaqarpoq.
Allaaserisaq tamaat AG-mi sapaatip-akunnerani matumani saqqummersumi matuma ataani pisiarisinnaasanni atuaruk.