Nalunaarasuartaateqarnikkut aqutsisoqarfik: Nutaaliorneruvoq, Tele
Nutaaliorneruvoq Telep atuisut akiliutiminnut internetimik atuisinnaanerunissaannik neriorsuinera suliluunniit akuersissutigineqanngitsoq, Nalunaarasuartaateqarnikkut aqutsisoqarfik nalunaarpoq
Ippassaaq nunatsinni internetimik atuisut akiliutitik atorlugit marloriaammik pingasoriaammilluunniit atuisinnaalernissaminnik neriorsorneqarput, Telemmi bredbånd Gold aamma Premium annertusiniarlugit pilersaaruteqarpoq.
- Inuinnaat taamaattumik atuisut allannguiffigineqarnerat erngerluni atuutilissaaq TELE-POST Nalunaarasuartaateqarnikkut aqutsisoqarfimmit naatsorsuutigisamisut akuerineqarpat, suliffeqarfimmit tusagassiuutitigut nalunaarummi allassimavoq, taamaalilluni akueriinnagassatut isikkoqarluni.
Læs "Billigere internet på vej"
Tamannalu Nalunaarasuartaateqarnikkut aqutsisoqarfimmit tugipineqarpoq.
- Nutaaliorneruvoq tusagassiuutitigut nalunaaruteqarneq suli akuersisoqanngikkaluartoq, Nalunaarasuartaateqarnikkut aqutsisoqarfimmi pisortaq Nicolai Odgaard Jensen Sermitsiaq.AG-mut oqarpoq.
Akuersissuteqassanersoq akuersissuteqartoqassannginnersorluunniit oqaatiginianngilaa erseqqissarluguli Nalunaarasuartaateqarnikkut aqutsisoqarfimmit tamanna qanittumi qaammatip ataatsip missaa qaangiuppat naalakkersuisunut innersuussineq ingerlateqqissallugu, taakkulu aalajangiisussaallutik.
Nalunaarasuartaateqarnikkut aqutsisoqarfiup Telep tusagassiuutitigut nalunaarutaa malillugu tunisassiat allanngornissaannik qinnuteqaat oqaluuserisussaassavaat tunngavissat pingasut atorlugit:
- Inuiaqatigiit aningaasaqarnerata pitsanngorsarnissaanut atugarissaarnerunissamullu qinnuteqaatip sunniutissai
- Qinnuteqaatip immikkoortitsinnginnissaa unammillernermillu equtitsinani
- Qinnuteqaatip aningaasatigut kingunerisassai