Ikuallattoortut ikiorneqarput

Septembarimi Ilulissani inissiarsuit ilaanni ikuallattoortoqareersoq inuit 15-init inuunerminni nutaamik aallartinnissaminnut ikiorneqarput

Saamimmiit Regine Biilmann aamma Rachel R. Jensen Kalaallit Røde Korsiaanniit. Mia Lundblad aamma Dorthe Johansen Atersuarni najugaqartut. Tunorliit saamimmiit tassaapput Lars Andersen aamma Nuunu Lars Olsen Pisiffik / Jyskimiit. Foto: Bent Petersen

Septembarip 14-ani Ilulissani Atersuarni ikuallannerup kingorna inuit 15-it angerlarsimaffeerullutillu pigisamik amerlanersaannik annaasaqarlutik inuunerminni ingerlariaqqinnissaminnut ikiorneqarput.

Tamanna pivoq qujanartumik Kalaallit Røde Korsiata Ilulissanilu Pisiffiup/Jyskip tunissuteqarnerisigut.

Læs "Mand omkommet i brand"

Pingasunngormat ikuallattoorsimasut katillugit 45.000 koruunit nalinganut siniffittaartinneqarput. Kalaallit Røde Korsiat siniffissinissamut 20.000 koruuninik tunissuteqarpoq Jyskilu akikillileerujussuarluni. Jysk aamma qipinnut puuinullu aningaasaliilluni tunissuteqarpoq.

Powered by Labrador CMS