Sulinermik inuussutissarsiuteqartut aatsitassanut inatsit ajoreqaat

- SIK, IMAK aamma AK sakkortuumik mianersoqqussutigivaat naalakkersuisooqatigiit sulisartunut allamiunut inatsisissap akuersissutigineqarneratigut isumaqatigiissutinik tamanut atuuttunik atorunnaarsitsiniarnerat.

Sulinermik inuussutissarsiortut kattuffiisa pingasut ataatsimoorlutik aarlerisaarutaat taamak nipeqarpoq, naalakkersuisooqatigiit nunanit allanit suliartortunut siunnersuutaat sapaatip akunnerani uani akuersissutigineqartussaq pillugu oqaaseqaataat.

-Pimoorutiivillugu annilaangassutigivarput inatsisartut Kalaallit Nunatsinni tamanut atuuttunut isumaqatigiissutigeqartarnernut angusimasatta tuninialermassuk, nunat allamiut sulisartut inatsit pillugu sulianut annertuunut inatsisissap aappaassaaneerneqalerneranut atatillugu, SIK'mi siulittaasup tullia, Josef Therkildsen oqarpoq.

Najugaqavissut suliffigisinnaasatut periarfissaat aserorniarneqartut

- Naalakkersuisut kineserit aningaasaataannik qammaallutik aallartinnikuupput. Taamaaliorpullu tamat oqartussaaqataanerannut tunngatillugu, akisuumik piginnaatitaaqataanitta isumaqatigiinniarsinnaa-titaanerup nammineq allajangersinnaasatta tuniniarneratigut, taamatut oqarpoq SIKmi siulittaasup tullia Josef Therkildsen, Kattuffiit pingasut sinnerlugit.

- Ullumikkumut ileqquulersimasunut kipititsinerup ajuusaarnartumik nassatarissavaa, nunat allamiut tikisitat suliassat annertuut suliarineqarneranni salliutinneqartalertussaanerat nunaqavissut pinnagit. Inuaqatigiinnitsinni taamatut ineriartornerup ungasinnerulaartoq isigalugu nunaqavissut akissarsiortut suliminerminni atukkatigut nammineq aalajangiisinnaanerat sequtserneqassammat, taamatuttaaq isumaqatigiissutigineqartartunut tamanut atuuttunut eqquissaaq, Josef Therkildsen oqarpoq.

Suliniussuit pillugit inatsisissatut siunnersuut sisamanngornermi aappassaaneerneqassaaq, sapaatip akunnerata tulliani pingajussaanneerneqassalluni.