Skip to main content

Puisimut tunngasoq namminersorlutik oqartussanut millionilinnik akeqarpoq

Nunatsinni akiliisinnaajunnaarnerit sammineqarnersaanni eqqartuussivikkoortitsinermut atatillugu namminersorlutik oqartussat ajorsareersullu suliassallu eqqartuussivimmut qaffasinnerusumut ingerlateqqinnissaa taamaatiinnarneqareersoq akiligassartaa naatsorsorneqarallarpoq 

Suliamut aningaasartuutinut namminersorlutik oqartussat katillugit 7.080.000 koruuninik akiliisussanngortinneqarput.

Siulliit 6 millioner koruunit Kalaallit Nunaata Eqqartuussisuuneqarfiani suliassiinermeersuupput, namminersorlutik oqartussat 2011-mi februaarimi ajorsarfigisaannit.

Sinneri 1 million koruunit missarpiaat Østre aamma Vestre Landsret-imi taarsiivigineqarnissamik suliassiissutineersuupput marlunnit, tassani eqqartuussiviit aningaasartuutissat agguataareersimallugit.

Tamanna peqatigalugu namminersorlutik oqartussat nalunaaruteqarput eqqartuussivinni marlunni suliassanut atatillugu namminersorlutik oqartussat eqqartuussissuserisumut aningaasartuutissaat suli naatsorsorneqarsimanngitsut, naatsorsuutigineqartorli millionip affaata missaaniissasut.

Kalaallit Nunaata Eqqartuussisuuneqarfiata 2011-mi februaarimi puisinik tunisassiorfiup Puisi A/S-ip akiliisinnaajunnaarnerani eqqartuussinermi eqqartuussivilersuunneqartut 12-it tamaasa pinngitsuutippai.

Ingerlatsivik 2000-mi akiliisinnaajunnaarpoq, pisortaasimasumullu, siulersuisunut ilaasortaasimasunut arlalinnut kiisalu kukkunersiuisumut kukkunersiuinermillu selskabimut eqqartuussivikkut akiligassanngortinniarneqarput katillugit 22,5 millioner koruunit.

Akiliisitsisoqarnissaanik piumasaqartuupput namminersorlutik oqartussat akiliisinnaajunnaartullu pigisai.

Taamaattumik pinngitsuutinneqarput
Kalaallit Nunaata Eqqartuussisuuneqarfiata pinngitsuutitsinermut pingaartumik tunngavilersuutigaa taamanikkut Naalakkersuisuusut ingerlatsiviup missingersuutaasa amigaateqarnerannik paasitinneqarsimasut, Inatsisartut 1999-imi ukiakkut - akiliisinnaajunnaarnissaq sioqqutilaarlugu - qularnaveeqqusiimmata katillugit 12 millioner koruuninik, taakkunanngalu 11,6 millioner koruunit annaaneqarput. Taamaattumik aningaasatigut annaasat naalakkersuisunit annaaneqaratarsinnaasutut naatsorsuutigineqarsimapput.

Tamatuma saniatigut aalajangersimavoq taamanikkut namminersornerullutik oqartussat Kujataani suliffinnik pilersitserusussimasut kiisalu piniartut atugaat pitsanngorsarusussimagaat suliniummik pilersitsillutik, tamatumani puisi tamarmi - amiinnaanngitoq - atorneqassalluni.

Akiliisinnaajunnaarnissarlu sioqqutilaarlugu taamanikkut naalakkersuisut siulittaasuata Jonathan Motzfeldtip, Siumut, selskabip siulersuisui nersualaarpai ingerlatseqqiinnarsimanerat pillugu, Puisi A/S aningaasaqarnikkut ajornartorsiortorujussuanngorsimagaluartoq.

Aallaqqaamut suliassanngortitsisut aalajangiineq eqqartuussivimmut qaffasinnerusumut ingerlateqqinniarlugu aalajangerput, 2012-imili aasakkut tamanna taamaatiinnarlugu.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER