Skip to main content

Villy nunanut allanut politikkimik oqalliseqataassaaq

Nunanut allanut ministeri Villy Søvndal Nuummi tikeraassaaq novembarip ulluini 20 - 22, ilaatigut Inatsisartuni Naalakkersuisut nunanut allanut politikkimik nassuiaataanik oqallinnermi malinnaassalluni  

Inatsisartuni nunanut allanut politikkimik Naalakkersuisut nassuiaataannik marlunngornermi novembarip 20-anni nal. 13.30 ingerlatsinissamik malinnaanerup saniatigut nunanut allanut ministeri Villy Søvndal aamma Inatsisartut Nunanut allanut Sillimaniarnerlu pillugu ataatsimiititaliamik ataatsimeeqateqassaaq, Rigsombudimik, Issittumi Sakkutooqarfimmik alakkaalluni aamma SIK GA'lu Kalaallit Nunaanni inuussutissarsiornermut periarfissat pillugit ataatsimeeqatigissavaa.

Naatsorsuutigineqarpoq Villy Søvndal Nuup Kangerluan angallannneqassasoq London Miningip umiarsualiveqarfissaanik takuniaasinneqarluni. 

Tamakkua saniatigut Villy Søvndal naalakkersuisut siulittaasuat Kuupik Kleist peqatigalugu 'Kalaallit Nunaat issittup soqutigineqaleruttorfiani' Ilisimatusarfimmi ilinniartut peqatigalugit oqallisigissavaat, ilinniartut apeqquteqarsinnaallutik. Ilisimatusarfimmi ataatsimiinneq sisamanngorneq novembarip 22-anni nal. 09.30 ingerlanneqassaaq. 

Nunanut allanut ministerip Nuummi tikeraarnera Naalakkersuisut siulittaasuat Kuupik Kleist peqatigalugu tusagassiivinnik katersuutitsinermik naggaserneqassaaq, tamanna Ilisimatusarfimmi pissaaq sisamanngorneq novembarip 22-at nal. 20.15, tamatuma kingorna nunanut allanut ministeri angerlamut aallassaaq. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER