Assersorsimalluni ujajaaniaq itigartikkaat

Nuummi neriniartarfiit ilaanni savimmik qunusaaraluni kiinnaminillu assersuisimalluni aningaaseriviup imaanik ujajaaniaraluaq sulisunit itigartinneqarpoq

Assi: Søren Duran Duus

Kiinnaminik assersuilluni ujajaaniaq tallimanngornermi ualikkut Nuummi nerisassanik tuniniaaviup Sawadiip karsiata imaa tillinniaraluaraa Nuuk Politi Sermitsiaq.AG'mut ilisimatitsivoq.

Sulisut savimmik qunusaarneqaraluarlutik aningaasat ujajaaniamut tunniukkumasimanngilai, taannalu pisummik qimaalluni aniinnarpoq.

Ujajaaniaraluarneq iluatsinngitsoq tallimanngornermi ualikkut nal. 15.45 aamma 16.00 akornanni pivoq.

Angut kiinnaminik assersuilluni qunusaarisoq Nuummi politiinit ualikkut tigusarineqarpoq.

Powered by Labrador CMS