Skip to main content

Inuunertik pillugu ernumaleraluartut

Disko Linep ilaasunik angallassissutaa Amaroq ippassaq silarlussiormat malissiormallu sumiissusersiuteqaranilu sammiveerummat ilaasut inuunertik ernummatigileraluarpaat 

Disko Linep ilaasunik angallassissutaanut Amaqqumut Targa 37-mut 11,90 meterinik takissusilimmut aqqaneq-marlunnillu ilaasoqarsinnaasumut Qeqertarsuarmiit Aasianniillu Ilulissiarlutik ilaasut angalanerat ippassaq toqqissisimanarlunilu nuannersuinnaanngilaq.

Aasianniit Ilulissat tungaanut ingerlaarnerminni angallat anorlersumi, mallersumi isikkiviluttumilu silarlussiulermat ilaasut annilaangalerput.

Pissutsillu pitsaanerulinngillat angallammi sumiissusersiutit atorsinnaanngimmata.

- Angallatip sumiissusersiuteqannginnera takusinnaavara angallatillu naalagaata sammiveerunnera malunnarpoq. Taarpoq angallallu malissuarnut sakkortuumik tuttaarluni ilaasullu eqqisisimajunnaariartorlutik, angalanermi ilaasoq Anguteeraq Broberg oqarpoq.

Taamaattumik oqarasuaatimi angallattakkap GPS-itaa ikippaa angallatillu naalagaa suleqatigalugu sumiissusersiorniarsarilerluni.

Radari-kortplotteri innaallagiaaruttut
Ippassaq siusinnerusukkut Qeqertarsuup tungaanut ingerlaarnermi angallatip sumiissusersiutaata radari kortplotterillu innaallagiaaruttoorsimanerat Disko Lien A/S-ip pisortaata Frederik Sandgreenip uppernarsarpaa.

Taanna oqarpoq, ilaasoq piffissap ingerlanerani navianartorsiorsimanngitsut, taamaattorli angallatip naalagaata ilaasup GPS-ia iluaqutigalugu sumiissusersiorsimanera uppernarsarsinnaagu.

Amaroq nunaqarfimmut Ilimanamut apuussinnaasimavoq, tassungalu Najaaraq Ittummit aaneqarsimallutik Ilulissanullu ingerlaqqissinnaasimallutik.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER