Europap kangiamiui angerlarsimaffeqanngitsunik ilungersuatitsipput
Europap kangiamiui angerlarsimaffeqanngitsut kalaallit Danmarkimi ornittagaannik ilungersuatitsipput
Kalaallit aamma qallunaat angerlarsimaffeqanngitsut Aarhusimi aamma Københavnimi Kirkens Korshærip kialaartarfiinik atuisut Europap kangianeersunit ilungersuatinneqarput.
Aamma kalaallit aamma qallunaallu angerlarsimaffeqanngitsut Europap kangianeersunit ornittakkanik aamma atuisartunit tillinniarfigineqartarput
- Ilaatigut angerlarsimaffeqanngitsunit sanngiitsunit tillittarput (Europap kangiamiui). Tamanna qanoq iliuuseqarfigineqartariaqarpoq, kisianni unnerluutiginnissagutta uppernarsaatissaqartariaqarpugut, Østjyllands Politiini Nunanit allaneersunik immikkoortortami pisortaq, Henrik Fink Christensen, JP Aarhusimut oqarpoq.
Københavnimi neqeroorut nutaaq
Kirkens Korshærip Aarhusimi kialaartarfiutaani immikkoortortami pisortaq naapertorlugu atuisut 20 procentii Europap kangianeersuupput:
- Ajornartorsiut alliartorpoq atuisut taamak amerlatigimmata, immikkoortortami pisortaq Annelise Lassen JP Aarhusimut oqarpoq.
- Europap kangianeersut siniffissat tamaasa pissarsiarisarpaat aamma fjernsynertarfimmi inissat, taamaattumik uagut inissaaruttarpugut. Aamma nalunngisaqarpunga inuit sisamat Europap kangianeersunit tillinniarfigitinnikunik, kialaartarfimmi atuisoq aviisimut oqaluttuarpoq.
Kirkens Korshærip Københavnimi kialaartarfiutaanni ajornartorsiut ilisimaneqarpoq. Januaarimi Europap kangiamiunut Københavnimi neqeroorummik nutaamik ammartoqassaaq, tamannali Aarhusimi pilersaarutaanngikkallarpoq.