Aatsitassat pillugit saqqummersitsineq iluartilluartoq
Kalaallit Nunaannit ’China Mining and Conference’ Tianjin-imi ingerlanneqartumi peqataaneq politikkikkut akisussaasoq Ove Karl Berthelsen naapertorlugu, iluatsilluarpoq
Kalaallit Nunaata, Kinami illoqarfissuarmi Tianjinimi aatsitassat pillugit saqqummersitsinermi anginngitsumi peqatanera maluginiarneqarluarpoq, inunnit 6000-nit amerlanerusunit nunanit 55-init peqataasoqarluni.
Saqqummersitsinermi Kalaallit Nunaanni nunami periarfissat aamma ingerlatsivinnut misissueqqaarnernik ingerlatserusuttunut sinaakkutissatut neqeroorutit saqqummiunneqarput.
Ilaatigut pingasoriarluni oqalugiartoqarpoq Kalaallit Nunaanni misissueqqaarnernik ingerlatsisunit. Ukuullutik:
• London Miningip Isuakasiani savimminissiorfimmik suliniutaa
• Tanbreez, Australiameersup Kujataani eudialyt-imik suliniut saqqummiuppaat aamma
• Avannaa, kannissammik zinkimillu piiaanissamik pisinnaatitsissutertik aallaavigalugu sulianik nassuiaassilutik.
Kalaallit Nunaata nunataanik saqqummersitsineq assut soqutigineqarpoq – aamma oqalugiarnerpassuit kingorna. Kinamiunit soqutigineqarneq ataatsimiinnernik arlalinnik nassataqarpoq, oqalugiartut aamma ingerlatsiviit ilaatinneqarlutik, Aatsitassanut inuussutissarsiornermullu Ove Karl Berthelsen, Inuit Ataqatigiit ilisimatitsivoq.
Saqqummersitsinermi nunatsinnit ingerlatsiviit peqataasut saqqummersitsiveqarput. Tassaallutik Greenland Mineral Services, Air Greenland, Royal Arctic Line, MT Højgaaard Grønland, Aatsitassanut pisortaqarfik aamma aatsitassarsiornermik ingerlatsisut London Mining, Avannaa aamma Tanbreez.