Skip to main content

Kommuninut tapiissutit inissipput

Nunatsinni kommunit sisamaasut aappaagu 1,1 milliarder koruuninik tapiiffigineqassapput. Taamak nipeqarpoq namminersorlutik oqartussat aamma kommunit kattuffiata akornanni isumaqatigiissut. - Amigarput, Kanukoka isumaqarpoq 

Kommuninut tapiissutit pillugit isumaqatigiissuteqartoqarpoq. Taanna tallimanngornermi namminersorlutik oqartussat aamma kommunit kattuffiata Kanukokap akornanni atsiorneqarpoq. 2013-imi kommunit 1,1 milliardinik tapiiffigineqassapput. Aningaasalli kommunit kattuffiata piumasaqaataanit ikinneroqaat.

Pingaartumik akinut aningaasarsiallu nalimmassarnerinut tunngassuteqartut assortuussutaasimapput. Kanukoka isumaqatigiinniarnerit aallartimmata akinut iluarsiissutaasartup 2,53 procentiunissaa piumasaqaatigaa, isumaqatigiissummili 2,08 procent anguneqarluni. Tunngavilersuutigineqarpoq, kommunit akit qaffakkiartornerinit allatuulli sakkortutigisumik eqqorneqarneq ajornerat. Taamaattumik Naalakkersuisut aalajangiuppat akinut aningaasarsianullu iluarsiissut 2,08 procentimut inissippaat siornatigut 2,52 procentiusaraluartoq. 

Inatsisartut 2012-ip ukiaanerani ataatsimiinnerminni akileraartarnermi allannguinerit akuersissutigaat, ataatsimut isigalugit kommuninut aningaasartuutissanut missingersuusiortarnermi sunniuteqartussaanngitsut. Akileraartarnerup allannguuteqartinneqarneratigut kommunit 27,5 mio. kr.-it nalinginik isertitaqarnerulissapput, ilaatigut nalikilliliisarnermi maleruagassat sukaamineqarnerisigut, ernianut ilanngaatit annikinnerulersinneqarnerisigut aammalu utaqqiisaagallartumik vakantini ineqarnerup akileraaruserneqarneratigut. Taamaattumillu ataatsimoortumik tapiissutit taakkua annertoqataannik ilanngaavigineqassapput.

 

Akileraartarnikkut allannguinerit piffissami ikaarsaariarfimmi immikkut isertitaqarnermik kinguneqassapput, immikkullu isertitat aningaasanut inatsimmi aaqqissuusseqqinnermut immikkut aningaasaliissutitut inissinneqassapput, immikkut 15-18-inik ukiullit sullinneqarnerannut, ilinniartut inissaannik kollegianik aamma suliffissaqartitsiniarnermut atorneqartussanik. Kommunit aamma Namminersorlutik Oqartussat suleqatigiillutik tigussaasunik suliniutinik aallarnisaapput, inuusuttut 15-18-illu akornanni ukioqartut ilinniagarnissaannik imaluunniit suliffeqalernissamut piareersarneqarnissaat siunertaralugit. Kommunit aamma Naalakkersuisut isumaqatigiissutigilluinnarpaat inuusuttunut saaffiginnilluni suliniuteqarnerit aammalu ilinniarfissat amerlanerusut inuusuttunut matunik matoqqasutut ittunik ammarterissutaasinnaasut, ilinniarsimassuseq qaffassarniarlugu, taamalu siunissami atugarissaarnissamut tunngavissat pitsanngorsarniarlugit.

Akit aningaasarsiornikkullu pissutsit kinguariarfiunerat ataatsimoortumik tapiissutissat isumaqatigiinniutigineqarneranni malunnaateqarsimapput, aammalu suut tamarmik isumaqatigiissutigineqarsinnaasimanngillat. Kisianni oqaloqatigiinneq pitsaasuusimavoq aammalu suleqatigiittoqarluni, inuusunnerusut ilinniartitaanikkut suliffissaqarniarnikkullu periarfissaannik pitsanngorsaanissat eqqarsaatigalugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER