Skip to main content

Kuupiup sakkortusaarniat assinganik akivai

Kuupik Kleistip Kalaallit Nunaata nammineq nunanit allanit sulisinnaasunik aqutsisinnaanerat ajoriffissaqartinngilaa, Folketingimit nunanit allanit aatsitassarsiorfinnut akikitsumik suliartortitat akornuserniarneqassappata   

Naalakkersuisut siulittaasuata mattukkumanngilaa Kalaallit Nunaata nammineq nunanit allanit suliartortitanik aqutsisinnaanera, siunissami aatsitassarsiorfiulersinnaasunut nunanit allanit Kalaallit Nunaannut suliartortitsiniarnerni qallunaat naalakkersuisuisa naalleraanniarpata, Berlingske Business allappoq. 

- Pisariaqartitsisoqassappat tamanna misissoqqittariaqarparput, Kuupik Kleist Berlingske Business-imut oqarpoq naqissuserlugulu, namminersorlutik oqartussanit suliassaqarfiup taassuma ingerlanneqarsinnaaneranik misissuineq ingerlanneqareersoq aamma sunik nassataqarumaarnersoq ilisimaneqartoq.

- Manna tikillugu nunanit allaneersunut inatsimmik aamma tassunga tunngatillugu allaffissornertaanik misissuinitta inerneraa, suliassaqarfimmik taassuminnga imaasiallaannarluta tigusisinnaanngitsugut, kisianni politikkikkut kissaatigineqarpoq piffissap ingerlanerani taamaaliornissarput, Kuupik Kleist naqissusiivoq.

Aatsitassarsiornermik inatsit Inatsiartuni qaammatip naalernerani oqaluuserineqalerpat, taanna qallunaat folketingiannik aqqusaarinneqqaassaaq, pissutigalugu nunanit allaneersunut inatsisip allanngortinneqarnissaanik nassataqarmat, taannarpiaq tassa qallunaat suli akisussaaffigaat. 

Danmarkimi partiit arlallit soorlu Dansk Folkeparti aamma Enhedslisten nalunaareerput, nunanit allaneersunut inatsisip allannguutissaat pisariaqartut akerliuffiginiarlugit, naalakkersuisut manna tikillugu oqaaseqaateqanngillat. 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER