Skip to main content

Upernaviup nunaqarfiini soriarsinnaannginneq erloqissutigaat

Suliffissaaleqisut amerliartorneri ernumanermik soriarsinnaannginnermillu misigititsipput qaammatip ataatsip iluani pisortanit ikiorsiissutit pingasoriaammik qaffariarput 

Upernaviup nunaqarfiini ajorluinnartumik ingerlasoqarpoq sumiiffimmi politikerit upperissagutsigit.

Suliffissaaleqisut amerlaqaat Upernaviup nunaqarfiini marlunni Upernavik Kujalleq aamma Kangersuatsianut nunaqarfinnut aqutsisut siulittaasua Lea Kristensen, ernumallunilu soriarsinnaanngitsutut misigisimasoq oqarpoq, aamma Kullorsuaq ajorluinnartumik inissisimasoq, KNR allappoq. 

Tunitsiviit matunerisa nassataanik Upernaviup nunaqarfiini suliffissaaleqisut marloriaammik amerlisut KNR allappoq. Tamatuma nassataanik inuit 526-t suliffissaaleqisutut allassimapput. 

- Tamannalu assut ajuusaarnarpoq, maanna ukiukkut taamaalernerani inuuniarnikkut oqimaalleruttornerani taamatut pisoqarnera, Thimothæus Petersen Siumut Kullorsuarmi najugaqalik oqarpoq.

Inunnut ikiorsiissutit amerlipput
KNR naapertorlugu Qaasuitsup kommuniani isumaginninnermut ikiorsiissutinik aningaasartuutit septembarimi 600.000 koruuniupput,  oktoberimilu ikiorsiissutinut aningaasartuutit 1,6 koruuniulerlutik. Upernavik Kujallermi Kangersuatsiamilu nunaqarfinni aqutsisut siulittaasuata Lea Kristensenip nunaqarfinni suliffissaaleqinerup akiorniarneranut iliuusissaaleqivoq, tassami kommunemiit siunnersorneqarnissaq amigaatigaa. Nunaqarfinniillu kaammattuut ersarippoq: 

- Taakkua pilersaarusiorneqarneranni innuttaasut tamaasa attorlugit iliuuseqarsinnaaneq taanna amigaataasorujussuuvoq. Malugisanngilagut taakku suliffissaqartitsiniutitut taaneqarsinnaasut, kommunip aningaasaliiffigisinnaasaralui Namminersorlutillu Oqartussat, annertunerusumik malugisanngilagut, Lea Kristensen KNR'imut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER