Skip to main content

Aleqa: Obamap isumassarsisippaatigut

Obamap ajugaanera Kalaallit Nunaannut nunarsuarmullu isumassarsisitsivoq, Siumumeersoq Aleqa Hammond isumaqarpoq, siunissamilu unammilligassat pillugit suleqatigiilluarnissaq qilanaaraa 

Obamap unnuaq qinersinermi ajugaanera nunap iluani nunanilu tamalaani oqaluttuarisaanermut pingaaruteqarpoq, Siumup siulittaasua Aleqa Hammond Sermitsiaq.AG-mut oqarpoq.

Tassami uppernarsarpaa ammip qalipaataa inuttullu tunuliaquttat pingaaruteqanngitsut nunap pisortassaminik toqqaanera. Taamatut isumassarsisitsivoq Kalaallit Nunaannut nunarsuarmilu innuttaasunut ataasiakkaanut, Aleqa Hammond Sermitsiaq.AG-mut oqarpoq.

Atuaruk "Kuupik: Obamap aporfissat sakkortuut qaangerpai"

Aleqa Hammond isumaqarpoq Obamap ajugaanera aamma isumaqartoq USA-p præsidenti qineqqikkaa USA-mik katersuutsitsisoq nunarsuarmilu suleqatigiinnissamik pitsaanerusumik neriulersitsisoq.

Oqaloqatigiilluarnissat utaqqipput
Obamap qinigaaqqinnera aamma Kalaallit Nunaannut kinguneqarluassaaq, Aleqa Hammond siulittuivoq:

- Obama præsidentiutillugu Kalaallit Nunaat niunermi, ilinniagaqarnermi, ilisimatusarnermi minnerunngitsumillu kulturimi Joint Committee-mi attaveqarnerit pitsanngorsarnissaannut isumaqatigiinniarnissanut periarfissarissaarpoq, illua'tungiliuttup siulittaasua naliliivoq.

Atuaruk "Nunarsuarmi pisortat Obama pilluaqquvaat"

Kiisalu naliliivoq Obamap qinigaaqqinnera pissutigalugu siunissami unammilligassat pillugit oqaloqatigiinnissaq pitsaasuussasoq, tamatumanilu Aleqa Hammondip pingaartumik eqqarsaatigai "Qaalasersuarmut Avannarlermut apeqqut, aatsitassanut apeqqut, niuerneq takornariaqarnerlu minnerunngitsumillu amerikarmiut Kalaallit Nunaanniinneranut tunngaasoq."

- USA pilluarujussuarit - nunarsuarmi angutit pissaaneqarnersaannik, Issittumik isiginninniartumik, toqqaanerit pissutigalugu, taanna oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER