Skip to main content

- Aporfissat sakkortuut Obamap qaangerpai

Kuupik Kleistip nuannaarutigaa Obama sakkortuunik aporfissaqaraluarni præsidentitut qinigaaqqimmat 

USA-mi qinersinermi Barack Obama-p ajugaanera nunarsuup ilarujussuani nuannaarutigineqarpoq. Taamatuttaaq aamma amerikarmiut qinersinerisa inernera Nunatsinni Naalakkersuisut siulittaasuata Kuupik Kleistip naammagisimaarluinnarpaa.

Taassuma kakkageqaa Obamap 2008-mi iluatsitsinini nangimmagu, aningaasarsiornikkut ajornartorsiortoqaraluartoq:

- Obama sakkortuunik aporfissaqaraluarluni, aammalu ukiuni kingullerni sisamani nunarsuarmi ineriartorneq pitsaanngikkaluaqisoq, ajugaavoq. Tamatuma takutippaa qinersisartut upperigaat piffissamut sivisuumut poltiikki pilerinarnerusoq, Kuupik Kleist Sermitsiaq.AG-mut oqarpoq.

Ersqqinnerusumik ingerlatsisinnaavoq
Tamanna peqatigalugu isumaqarpoq Obama  politikkimi angusaqarnerusinnaav oq, qinigaaqqinnissaq eqqarsaatigeqqittariaarukkamiuk.

- Qularnanngilaq polikkiminik erseqqinnerusumik maanna ingerlatsilersinnaasoq, Kuupik Kleist oqarpoq.

Tamanna neriuuteqalersitsivoq USA-p issittumut periusaata ammanerunera nanginneqaannassasoq.

Aperineqarami aningaasarsiornikkut ajornartorsiortoqaraluartoq Obamap ajugaanera Inatsisartunut qinersinissamut atatillugu Kuupik Kleistimik neriulersitsilernersoq, oqarpoq nunat assigiinngitsut sanilliunnissaat mianerisariaqartoq, unammilligassat ilaat assigiissuugaluartut.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER