Skip to main content

Nunatsinni Kinameersoq siulleq

MT Højgaardip nunatsinni immikkoortortaa Kinami isumaqatigiissutinik pissarsiniarluni inuk immikkut ittoq suleqtigaat 

- Uanga siulliuvunga! Uanga siulliuvunga!

Arnaq inuusuttoq asiamiusut isikkulik Sermitsiaq.AG'p aallartitaa malillugu talini siaarlugit ussersorpoq, naapillugu aqqani allanneq qissigigamiuk.

Taamannak pisoqarpoq Tianjan-imi inunnit 5.000-nit peqataaffigineqartumi aatsitassat pillugit saqqummersitsinermi - China Mining and Exhibition - nunat 60-it peqataatitaffiannik ingerlanneqartumi. 

- Uanga siulliuvunga, qallunaatut nipituumik oqarpoq qungujullunilu. 

- Utoqqatserpunga, suna? Suna siulleq?

- Kalaallit Nunaanni kinamiut siullersaat, arnaq oqarpoq.

Ateqarpoq Yun Wang. Kalaallit Nunaanni sumiiffinnik tikissimasami pinnernersai taagorpai oqaluttuarlunilu. 

2004-mi Aasiannut GU-mut atuariartorluni tikippoq, ilaatigut ilinniartitsisunik assorsuaq misillertinneqarpoq. Assersuutigalugu nipilersullaqqinneri aamma qanoq qungujulatigineri pillugit, oqaluttuarpoq atii eqqaaniarlugit ilungersoraluarluni, eqqaasinnaannginnamigit utoqqatsingaarami aappillingajalluni. 

Aamma kalaallisut oqalunnermik ilikkarpiannginnini taamaappaa. Illuatungaatigut qallunaat oqaasiinik ilinniarnini iluatsinneruaa. 

- TV'mik isiginnaarujussuaannarpunga, Yun Wang illarpoq. 

Kalaallit Nunaannut asannilersoorpoq najoreeramiullu uterfigeqqikkusullugu. Yun Wangip paasisimavaa Kinami illoqarfiup inunngorfimmi Nuuk illoqarfittut ikinngutigigaa. 

Yun Wang Nuummi borgmesterip allaffianut allagaqarpoq, imminut ilisaritilluni piginnaasanilu oqaluttuaralugit, ajoraluartumilli akineqarsimanngisaannarluni.

Kingorna qallunaat sanaartornermik suliffeqarfiutaanni MI Højgaardimi Shanghai-miittumi atorfinippoq.  

Kinami saqqummersitsineeqqaami MT Højgaardip nunatsinni immikkoortortaqarfia peqataatitaqarpoq, Yun Wangip oqaatsitigut piginnaasaanik Kalaallit Nunaannillu ilisimasaqarneranik atorluaallutik. 

Sermitsiaq.AG'ip aallartitaa novembarip 16-iata tungaanut Kinamiippoq. Angalaneq Sermitsiami sammisakkaarlugu nangeqattaartualiarineqassaaq. Sermitsiaq.AG'p aallartitaa angalanermini nittartakkakkut nutaarsiassiisassaaq. 

Angalanerup nalaani tusarfigerusuppatsigit. Kinamiunut kalaallinullu sammisamut attuumassuteqartunut apeqqutissaqarpit? Kinami suna misissorneqallaquviuk? Apeqqut suna apeqqutiginngitsoorsinnaanngiliuk? Allaaserineqarsinnaasunut siunnersuutit?

Sermitsiaq.AG'p aallartitaa ikiuukkusuppoq Kinamullu tunngassuteqartut apeqqutit sapinngisaq tamaat akissutissarsiussallugit. Kinami Facebook inerteqqutaammat nittartakkami oqaaseqaatitit atuarsinnaanngilai. Kisianni mail-ikkut allaffigisinnaavat nyvold@sermitsiaq.gl

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER