Skip to main content

Takunnittoq: - Illoqarfik tamarmi tungujortoq-qorsunngorpoq

Morten Heilmann Nuummi inuit iluatsitsisut ilagaat arfininngormermi ullaaralaaq qaamanermik pinngortitap piliaanik takugami 

Sermitsiaq.AG'p tusarfiisa marluk arfininngornermi ullaassakkut nal. 04.28 Nuup qulaani qaamanermik sakkortuumik tupinnartumik isigisaminnik oqaluttuarnerisa kingorna, taassuma suusinnaanissaanik soqutiginninneq imaaginnavippoq. Tamanna allaaserisap ”Qaamaneq takuik?” isummersorfissiaani ersippoq.  

20-niuk ukiullup Morten Heilmannip takunnissimasunit attaveqarfigineqarusulluta nalunaaruterput mailimik imaattumik akivaa:  

'Uanga ikittuinnaat iluatsitsillutik qaamanermik takusut ilagaannga, takusamik nassuiaasinnaasoq. Ima pisoqarpoq:

Ikinnguitigalu illoqarfiup qeqqani pisorujoorpugut. Tele-Postip illorsuata eqqaaniilluta illoqarfiup qeqqani qulisimagaluaqisoq, qaamarngup tungujortoq-qorsuup sakkortuup illoqarfik tamaat qaammarpaa. Isumaqarlunga qummoroortitsisoqartoq qaartoqanngilarli allamillu pisoqarnani. Sukkasoorujussuarmik qisuariarpunga qummullu qiviarlunga, takusara tassaagunarpoq ulloriaq anartoq, 'pamiuatigut' ilisarnartukkut taamaattuunissaa pasitsaannarmat. Illoqarfik tamarmik taaraluarluni tungujortoq-qorsunngorpoq.  

 

Sukkaqaaq
Avannamut kimmut sukkasoorujussuarmik ingerlavoq, erseqqissumillu takusinnaavara marlunngorluni avittoq, tassa ullorissap anaa tungujortoq ulloriap anaanik minnermik anisitsmmat, tamaalisoqareermallu suna tamarmik nalinginnartut ileqqippoq. Kisimiinngilanga eqqaamavara arlallit qummut qiviarlutik nilliasut takusaqarnerarlutik. 

Kammagalu tupattorujussuuvugut ilumut taamak pisoqarnersoq uppererpiarnagu. 

Nalunngilara suna takunerlugu: Ulloriap anaa tungujortoq-qorsuk, ikuallalluni nunguppoq, nunarsuup silaannartaanut pigami. Qulisimagaluaqisoq uagut tamaattumik takusinnaagatta iluatsitseqaagut, Morten Heilmann allappoq. 

Sermitsiaq.AG pinngortitami pisartoq qaqutigoortoq pillugu Geusimit oqaaseqartitsiniaraluarpoq iluatsitsigani. Geus, Kalaallit Nunaanni aamma Danmarki nunap sananeqaataanik misissuinermik ingelatsivoq.

 

Qaamanermik sakkortuumik takunnissimaguit attavigisinnaavatsigut: redaktion@sermitsiaq.ag

Læs andre læserbud på, hvad det mystiske, kraftige lys over Nuuk skyldtes i kommentarfeltet i denne artikel

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER