Atassut qaleralittassat amerlineqarnissaannik piumasaqarpoq
Avannaani aalisartunut atugassarititaasut akuerineqarsinnaanngillat. Sumiiffimmi pisassat amerlineqartariaqarput, Atassut isumaqarpoq
Aqutsiveqarfik Upernavik-mi qaleralittassanik minnerpaamik 50 tonsinik pisassiisoqaqqilli.
Tamanna Atassummit piumasarineqarpoq taakkua akuerisinnaanngilaat avannaani aalisartunut atugassarititaasut.
- Aqutsiveqarfik Upernavik-mi qaleralittassat nungunneqareerput, aalisartortatta ukioq naalerpaat pisassiissutit nungoqattaartut, tunitsiviit matuneqaqattaartut aalisarneq aalaakkaasumik ingerlanneqarsinnaanngitsoq, taamaasillutillu uneqattaartumik aalisarnerat ingerlanneqarpoq. Tamanna Atassummiit akuerinngilarput, oqariartuutigiuarparpullu piuaannartitsinerup iluani Upernaviup aqutsiveqarfiani pisassiissutit amerlineqartariaqartut, Knud Kristiansen aamma Siverth K. Heilmann tusagassiivinnut allaaput.
Ukiup sinneranut patajaannerusumik aalisartut umiatsiaararsortut aningaasatigut isertitassaat periarfissaqartinneqassappat minnerpaamik 50 tons-nik qaleralittassat ilaneqarnissaat Atassummiit piumasaarineqarpoq.