Skip to main content

Dronningip Paulus saqqarmiulerpaa

Paulus Lyberth ataqqinartorsuarmik Margrethemit siilvimik nersornaaserneqarpoq

 

Paulus Lyberth, Polaroilip Sisimiuni qullersaqarfiani driftschefitut atorfilik ippassaq sisamanngornermi novembarip aallaqqaataani 2012, Ataqqinartorsuup nersornaasiuttagaanik siilviusumik saqqarmiulerneqarpoq. Tamanna aggustip aallaqqaataani ukiuni 40-ni KGH-KNI'mi atorfeqarneranut nalliuttorsiornermut attuumassuteqarpoq. 

- Paulus Lyberth KGH kingorna KNIp immikkoortortaata Polaroilip Maniitsumi ikummatissaasiviani ukiorpassuarni sulisimavoq. Polaroilillu Maniitsumi qullersaqarfiani sulilereeraluarluni Qaqortumi Sisimiunilu ikummatissaasivinni ittutut sulisarsimavoq. 2007-ip kingorna Polaroilip ikummatissaasiviinut tamanut ingerlatsinermi pisortatut atorfeqarpoq, Peter Grønvold Samuelsen, KNI A/S - Polaroil-imi nukissiornermut pisortaq oqaluttuarpoq.

Paulus Lyberth Maniitsumi ukiorpassuarni qatserisartutut qatserisartullu naalagaatut sulisimavoq. Peqatigiiffinnilu arlalissuarni aamma tatigisaalluni suleqataasarsimavoq.

Paulus Lyberth nulialu Grethe pingasunik meeraqarput aamma pingasunik ernutaqarput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER