Skip to main content

Kommunip namminersorlutik oqartussat appisaluukkai

Nuummi umiarsualiviup allilerneqarnissaanik namminersorlutik oqartussat suli akuersissutiginnissimannginnerat akuersaarneqarsinnaanngilaq, Kommuneqarfik Sermersooq nalunaarpoq

Nuummi umiarsualiviup piaartumik allilerneqarnissaa pisariaqartoq, Kommuneqarfik Sermersooq, Royal Arctic Line aamma Aalborg Havn isumaqarput. Umiarsualiviup tattoqisaaffiuallaarnera innuttaasunut inuiaqatigiinnullu pissutsinik pitsaanngitsunik naammaginanngitsunillu kinguneqarpoq.

Taamaattumik Nuummi umiarsualiviup allilerneqarnissaanik namminersorlutik oqartussat suli akuersissutiginnissimannginnerat akuersaarneqarsinnaanngilaq, Kommuneqarfik Sermersooq isumaqarpoq.

- Tamanna imaannaanngitsunik kinguneqarnerlussaaq: Assartuussinermut ataatsimiititaliap nalilerpaa, Nuummi nutaamik umiarsualiviliortoqannginnera inuiaqatigiinnut millioninik marlunnik kisitsitalinnik ukiut tamaasa naleqartussaasoq – aningaasat pineqartut umiarsualiviup allilerneqarnissaata kinguartinneqartarnera ilutigalugu amerliartortarput, tusagassiuutitigut nalunaarummi allassimasoqarpoq.

- Maannakkut iliuuseqartoqanngippat kingunerluutissaa tassaavoq, isertitassaagaluit ineriartornissaraluarlu Nunatsinni qaffariartitsisussaagaluaq, taarsiullugu nunarsuarmi allamut inissinneqartussanngormat, Borgmester Asii Chemnitz Narupip, IA, oqaatigaa.

Kommuni, Royal Arctic Line aamma Aalborg Havn umiarsualiviup allilerneqarnissaa aallartikkumallugu 80 millioner koruuninik aningaasaliissuteqarnissamut piareersimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER