Skip to main content

Kinngusut aappaa toquvoq aappaalu annalluni

Arfininngormat annaassiniarnermi ajornakusooqisumi politiit annaassiniartartullu inuit marluk qaqippaat. Ajoraluartumilli tamassuma kinguninngua aappaa toquvoq 

Uummannap eqqaani kinngusoqarneratigut kingornalu annaassiniarnermi inuk annaanneqarpoq, ajoraluartumilli aappaata uummarsarnera iluatsinngilaq.  

Taama sapaatiummat unnukkut Air Greenland nalunaarpoq arfininngormat timmisartuutileqatigiit politiillu suleqatigiillutik Uummannap eqqaani imaani annaassiniarmata. 

Annaassiniarneq aallartippoq arfininngormat ualikkut Uummannap kitaani qeqertaasap Nuussuup nuuata avataani umiatsiami inuit marluk ajunaalernermik kalerrissaarimmata. Kingorna Air Greenlandip qulimiguuliutaata S61-it aappaa sisamanik inuttaqarluni politiinillu pingasunik ilaasoqarluni annaassiniartinneqalerpoq. 

Annaassiniarneq ajornakuusooqaaq apilluni silarlummat, sekundimut 25 angullugit anorlerluni taamaattumillu malerujussuaqarluni, Air Greenland nalunaarpoq.

Ikiueqqaarneq uummarsaanerlu
- Qulimiguulik sumiiffimmut taaneqartumut anngukkami anorisioqaluni ingerlaqqippoq inullu annanniutinik atortoq ikkarlummi nikorfasoq nassaaralugu. Qulimiguulik ikkarlummut missinnaavoq inullu ikitillugu. Inuup aappaa imaaniippoq pissutsilli ilungersunaraluaqisut taanna aamma qaqinneqarluni, taarseriitsiartorlu qulimiguulik Uummannamut uterluni. Politiit ikiueqqaarput aqqutaalu tamaat pineqartup aappaa uummarsarniaraluarlugu ajoraluartumilli iluatsinngitsumik, Air Greenland nalunaarpoq. 

Uummannami unnuereerlutik Air Greenlandip ilaasui sapaatiummat Ilulissanut uterput, S61-imik. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER