Skip to main content

Nanortallip eqqaani nuna sajuttoq

Nanortallip avannamut kangiani sisamanngornermi nunap sajunnera Richterip uuttuutaa malillugu 4,1-imik sakkortussusilik malugineqarpoq

Islandip avannarpasissuani nunap sakkortuumik sajussinnaanera Islandimi oqartussanit mianersoqqussutigineqaleruttortoq Nanortalimmiit avannamut kangimut 87 kilometerinik ungasissusilimmik nunap sajunnera sisamanngornermi nal. 7.19 paasineqarpoq.

Taamaattorli nunap sajunnerisa taakkua marluk GEUS-imit imminnut attuumassuteqannginnerarneqarput.

- Taakkua ataatsikukkanneq pinerat nalaatsornerinnaavoq. Kalaallit Nunaanni akuttunngitsumik nuna annikitsumik sajoqattaartarpoq, paasisakkalu malillugit malussartoqarsimanngilaq, GEUS-imi nunap sajuttarneranik ilisimasalik Tine Larsen Sermitsiaq.AG-mut oqarpoq.

Nunap sajunnerata titartagartaa paasissutissallu uani takukkit 

Islandimi mianersoqqussut killormut saatinneqartoq
Nunap sajuttarneranik ilisimasalik aamma isumaqarpoq, Islandip avannarpasissuani nunap sakkortuumik sajussinnaaneranik paasissutissat tusagassiortunit killormut saatinneqarsimasut.

- Islandimi silasiorfimmit paasissutissat ajoraluartumik tusagassiuutit ilaanni killormut saatinneqarsimapput. Islandimi maannakkorpiaq nalaanneqartut tassaapput nunap sajoqattaarnerinik taaneqartartut, Islandimilu nunap sajunnernik ilisimasalinnit oqaatigineqarpoq, nuna taamatut sajoqattaaraangat tamakkua ilaatigut nunap sajorujussuarneranik malitseqarsinnaasartut, Tine Larsen oqarpoq.

Læs "Advarsel om kraftigt jordskælv i Island"

Taanna ilanngullugu oqarpoq, Islandimi oqartussanit mianersoqqussuteqartoqarsimanngitsoq, kisiannili paasissutissat nunap sajuppillaqattaarneranut tunngasut taamaallaat pineqartut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER