Politikerit: Inuiaqatigiit soriarsinnaanngitsut
Ilaqutariinnut Peqqissutsimullu Ataatsimiititaliaq malillugu piffissanngorpoq politikkikkut imminut nalilersornissamut
- Imminut ineriartortissinnaanngilagut tuaviuuppallaamik ineriartornermi inuusuttut katassagutsigit, qulakkeersimanagu ilaqutariinni innuttaasullu akornanni toqqissisimasumik, isumassalimmik imaqarluartumillu inuunissaq.
Taamatut oqarpoq Ilaqutariinnut Peqqissutsimullu Ataatsimiititaliaq, ataatsimiititaliap meeqqanik inuusuttunillu Danmarkimut nassiunneqartartunik, sumiginnaasarnermik isornartorsiuineranut atatillugu, pissutigalugu Nunatsinni isumassorneqarnissaannut naleqquttunik neqerooruteqannginnera.
Atuaruk "Ataatsimiititaliaq maannakkut iliuuseqaqqusivoq"
Atuaruk "Meerartavutr ajornartorsiutillit avammut nassiuttarpavut"
Ataatsimiititaliaq isumaqarpoq "inuiaqatigiit susinnaajunnaarsimasut", pissutit imaalersimammata "inuiaqatigiittut ajornartorsiutivut isumagisinnaajunnaarsimallugit, avammulli ingerlateqqiinnartarlugit".
- Naak inuppalaassuseq? Ilaqutariinnut Peqqissutsimullu Ataatsimiititaliap siulittaaasua Olga P. Berthelsen, IA, aperivoq.
Politikkikkut imminut nalilersorneq
- Ataatsimiititaliaq isumaqarpoq piffissanngortoq politikkikkut imminut nalilersornisssamut, unikaallalluta isumaliutigissagipput qanoq iliornerluta. Immitsinnut isitsigut qiviarta meeqqallu iluaqutariillu isumagalugit aalajangerlutalu pitsaanerusumik iliuuseqarsinnaasugut iliuuseqassasugullu, taamaasilluni inuttut ineriartorneq inuulluarnerlu inuiaqatigiit ineriartorneranni tunngaviussalluni.
- Ilaqutariinnut Peqqissutsimullu Ataatsimiititaliap nalunngilaa ilaqutariinnut, kulturimut, ilageeqarnermut naligiissitaanermullu Naalakkersuisumik Mimi Karlsenimik ataatsimiititaliap oqaloqateqarnerata nanginnerinnaatigut inuiaqatigiinni atugarliornerujussuarmik aammalu meeqqanik inuusuttunillu atugarliortunik, isumagineqartussat, ajornartorsiutit aaqqinneqarsinnaanngitsut, Olga P. Berthelsen tikkuaavoq.
Taanna oqaluttuarpoq Ilaqutariinnut Peqqissutsimullu Ataatsimiititap Naalakkersuisut kajumissaarsimagai meeqqanik inuusuttunillu sumiginnarneqartunik nunamit aallartinneqartartunik ajornartorsiut aaqqinniaqqullugu.
Ilaqutariinnut Peqqissutsimullu Ataatsimiititaliaq malillugu piffissanngorpoq politikkikkut imminut nalilersornissamut. Isumaqataavit? Imaluunniit qanoq iliuuseqartoqassanesoq qanoq isumaqarpit? Oqallinnermi peqataagit.