Skip to main content

Dronningi Nuulialersoq

Arktisk Kommando pingasunngornermi oktobarip 31-ani atoqqaartinneqassaaq 

Danmarkimi illersornissaqarnermut qullersatut dronning Margrethe issittumi sakkutooqarfiup Arktisk Kommandop Nuummiittup pingasunngornermi oktobarip 31-ani atoqqaartinneqarneranut peqataassaaq.

Dronningi malittaalu marlunngornermi oktobarip 30-ani Air Greenlandip timmisartorsuanut ilaallugit Københavnimiit Kangerlussuaq aqqusaarllugu Nuuliassapput, ullorlu taanna ammaanersiornermut peqataasussat allat sakkutuut timmisartortartut timmisartuannut Herculesimut ilaallutik toqqaannartumik Nuuliassallutik.

Dronning Margrethep saniatigut tikittussat allat tassaapput illersornissamut ministeri Nick Hækkerup, Socialdemokraterne, illersornissamut pisortaq, general Peter Bartram, Danmarkimi sakkutooqarfinnut pisortat arlallit kiisalu Kalaallit Nunaanni Sakkutooqarfimmut pisortaq, kontreadmiral Henrik B. Kudsk issittumilu sakkutooqarfimmut Arktisk Kommandomut pisortatut toqqarneqaqqammersoq, sakkutuuni timmisartortartuni generalmajor Stig Østergaard Nielsen.

Nunatsinnit peqataassapput Naalakkersuisunit, Inatsisartunit, Kommuneqarfik Sermersuumit Naalagaaffiullu Sinniisoqarfianit sinniisut, Savalimmiunillu peqataassalluni lagmand Kaj Leo Johannesen, soorluttaaq nunat sanilivut Island Canadalu sinniisunik peqataatitaqassasut.

Læs "Prominente navne indvier Arktisk Kommando"

Ilisarnaat nutaaq

2010-14-imut illersornissakkut isumaqatigiissut tunngavigalugu Kalaallit Nunaanni Sakkutooqarfik aamma Savalimmiuni sakkutooqarfik ataatsimoorussamik illersornissaqarfimmut Issittumi Sakkutooqarfimmut Nuummiittumut ataatsimoortinneqartinneqarput Tórshavnimut attaveqaatilerlugu.

Sakkutooqarfiit kattunneqarnerat suliassarpassuarnik pilersitsivoq, suliassallu immikkuullarissut ilagaat ilisarnaammik ataatsimoorussamik ilusilersuineq.

Kalaallit Nunaanni Sakkutooqarfiup ilisarnaataani takuneqarsinnaapput nannup qulaani ammalortut aappaluttut pingasut, kunngip niaqorutaanik kitsamillu ungaluneqarsimasut.

Savalimmiuni sakkutooqarfiup ilisarnaataa assingusunik assiliartaqarpoq, nanorli anguteralammik imangertamillu timmisumik taarserneqarsimallutik.

Ilisarnaat nutaaq dronningimit akuersissutigineqareersoq Issittumi Sakkutooqarfik illersornissamut pisortamit Peter Bertramimit atoqqaartinneqartutut oqaatigineqarniariarpat qulaarneqassaaq.

Læs "Forsvaret skaber nye arbejdspladser i Nuuk"

Læs "Arktisk Kommando får adresse i Nuuk"

Sulisunut 40-nut suliffeqarfik

Sakkutooqarfimmi nutaami Nuummi umiarsualivimmi Royal Greenlandip qullersaqarfigisimasaani ullunilu makkunani sanasunit qalipanneqarluni inaarsarneqartumi naalagaaffeqatigiinnerup immikkoortortai pingasut tamarmik tassa sinniisuutitaqarput.

– Ammaanissamut 95 procentimik piareersimavugut, Kalaallit Nunaata Sakkutooqarfiani Kangilinnguaniittumut sulisunut pisortaq oberstløjtnant Michael Mouritsen Nuuk Ugeavisimut neriorsuivoq.

Illu Nuummi umiarsualivimmiittpq pingaarnertut allaffittut atorneqassaaq, kisiannili aamma imaatigut annaassiniartarnermut qitiusoqarfimmik kiisalu illersornissaqarfiup umiarsuaanut, timmisartuinut kiisalu qimussimik alapernaarsuisartoqatigiinnut Siriusikkunnut attaveqarnermi radioqarfimmik nutaamik aamma imaqassalluni.

Arktisk Kommando Nuummiittoq sakkutooqarnikkut sulisunit 33-nit inuinnartullu sulisunit arfineq-marlunnit ulluinnarni suliffigineqassaaq.

Inuinnartut suliffeqartut tassaapput umiarsuaaqqanut naalakkat sisamat allaffissornermillu suliaqartut pingasut.

Qinngutsinnut

Sakkutooqarnikkut sulisut Suloraq 11-mi inissiarsuit portusuuliat qulit namminersorlutik oqartussat illuuteqarnermut ingerlatseqatigiiffiannit Illuut A/S-imit Qinngutsinni sanaartorneqartut arfernanni ineqassapput.

Naalagaaffiup inissiaatai attartortittakka 1987-imi Namminersornerullutik Oqartussanit tiguneqarput, inatsimmut oqaaseqaatini takuneqarsinnaavoq, nunatsinni naalagaaffiup sulisui namminersornerullutik oqartussat, ullumilu namminersorlutik oqartussat, suli inissaqartitarissagai. Tamatumani pineqartut assersuutigalugu tassaapput politiit, eqqartuussiveqarneq, pineqaatissinneqarsimasunik isumaginnittoqarfik – illersornissaqarfillu.

– Aasaq Nuuk Ugeavisimi annonciliivugut, namminersorlutillu oqartussani sulisut atorfimminnut atatillugu ineqartitaasut namminersorlutillu oqartussat inissiaataanni A/S Inissiaatileqatigiiffik INI-mit allaffissornikkut aqutarineqartuni attartortut allat tamaasa Qinngutsinni inissiarsuarmut nutaamut kissaateqarneq malillugu nuunnissaannik neqeroorfigaavut, Illuummut pisortaq Olafur P. Nielsen Nuuk Ugeavisimut oqarpoq

Læs "Her er militærets ghetto"

IKisianni Qinngutsinni initaarniarluni Nuummi Nuussuarmiluunniit inissianik attartorunnaarnissap soqutigineqarnera killilerujussuuvoq; immaqa ineqarnermut akiliutit pissutaallutik: Suloqqami inissiaq sisamanik initalik qaammammut 8-9.000 koruuninik akeqartussaavoq taakkualu qaavisigut atuineq ilanngullugu akilerneqartartussaalluni.

 – Napasuliamut allanik nuuttoqarusunngimmat Arktisk Kommandomi sulisut neqeroorfigaavut inissianut 30-nut taakkununnga nuunnissamik, taamaaliornitsigut pisussaaffipput 1987-imeersoq naammasisinnaajumallugu inissiallu attartortissinnaajumallugit, Olafur P. Nielsen oqarpoq.

Arktisk Kommando inissianut 30-nut tamanut ineqarnermut akiliutinik tamakkiisumik akiliuteqartassaaq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER