Skip to main content

- Nuummiunut qujanarujussuaq

Assaassuarmik aquttup sapaatip akunnerata siuliani blok P'p naqqani kiggussaagaluartup ilaqutaasa, sulinermut atatillugu ajunaartoqarnerani ikiuuttorpassuit qutsavigaat

Maskiinanik ingerlatsisup Frede Bojep sap. ak. siuliani tallimanngornermi Nuummi blok P'mik isaterinermi oqallisaaqisumi ajutoornerani tupinnaannartumillu uummaannarluni aniguineranut atatillugu ilaqutai taassumallu sulisitsisua isaterinermik ingerlatsisartut Kingo Karlsen maanna qujaniummik allagaqarput:  

" Tallimanngornermi oktobarip 19-ianni ajutoortoqarneranut atatillugu tupinnaannartumik ikiuunneranut qujassuteqarusuppugut. Allaanngilaq Nuummiut tamarmik suleqatitta Frede Boje, Kingo Karlsen A/S-imeersup ikiorneqarnissaannut ataatsimut suleqatigiittut.

Godthåbs TransportService aamma Permagreen Grønland A/S suliamik ingerlatsivimmiittuniit. Taakkua sukkasuumik qisuariaateqarnerisigut ikiortissat sukkasuumik pissarsiarineqarput, qatserisartut, ambulanceni sulisut nakorsat allallu, tamarmik pilertortumik ajunaarfimmut apuummata. 

Kikkut tamarmik tupinnaannartumik suleqatigiipallannerisigut Frede Boje kiggusimaffianit peersinneqarpoq, Sanamut ingerlanneqarluni, isumagineqarluni aamma Islandimut ingerlanneqarnissaa tassanngaanniillu Rigshospitaliliaanneqarneranik suliniuteqarput. 

Kikkut tamarmik immikkut iliuuseqarnerisigut Frede Boje qularnanngitsumik peqqissiartupallannanneranut pissutaaqataapput - naak tassunga atugassarititaasut imaannaanngikkaluartut. 

Taanna maannakkut Rigshospitalimiippoq sapaammi nammineq angalaalereerluni. Frede oqaluttuarpoq isumaqarluni ungasinngitsukkut suliartoqqissinnaalluni. 

Kisianni soorlu suliartoqqinnissaa utaqqinneqartariaqalaartoq. Tupinnaannartumilli maannakkut taamak ajunngitsigilereermat. 

Tamanna uagut taassumallumi ilissinnut qutsatigerusuppaat. 

Nuannaajallannaqaaq innuttaasut ilaasa suliniuteqarnerisigut ajunaarfimmi "maskiinamik aqutsisup naneruutinik ikitsiffigineqarnissaa" isumagaat. 

Tamassinnut qujanarujorujussuaq. Uagutsinnut tuppallernaqaaq aatsaat taamaattumik misigisaqarpugut.

Ikinngutinnersumik inuulluaqqusilluta 

Ilaqutai aamma uagut Kingo Karlsen A/S

 

Frede Boje aaverluni toqunissaminik annilaangagaluarpoq blok P'p qarmaanit nakkarfigineqarami. Sapaatip akunnerani AG'mi saqqummersumi minutsit tupinnaannartut oqaluttuarai.

Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER