Issittumi Sakkutooqarfik nuimasunit atoqqaartinneqassasoq

Issittumi sakkutooqarfik Arktisk Kommando atoqqaartinneqalerpat ilaatigut dronning Margrethe, illersornissamut ministeri Nick Hækkerup illersornissamullu pisortaq general Peter Bartram pisortatigoortumik peqataassapput

Arktisk Kommando Royal Greenland Nuummi qullersaqarfikuanut iserterpoq. Assiliisoq: Leiff Josefsen

Issittumi sakkutooqarfik Arktisk Kommando pingasunngornermi oktobarip 31-ani Nuummi pisortatigoortumik atoqqaartinneqarpat nuimasut arlalissuit peqataassapput.

Atoqqaartitsineq persuarsiornartumik ilassinniffiusumillu nal. 11.00 aamma 14.20 akornanni Katuami pissaaq. Tamatuma kingorna sakkutooqarfiup qullersaqarfia immikkut qaaqqusanut takornariartinneqassaaq.

Peqataasussat tassaapput dronning Margrethe, illersornissamut ministeri Nick Hækkerup aamma illersornissamut pisortaq general Peter Bartram. Qaaqqusat akornanniissapput aamma naalakkersuisunut inatsisartunullu ilaasorta kiisalu Kommuneqarfik Sermersuumut siniisut. Savalimmiunit lagmand Kaj Leo Johannesen kiisalu Islandimit Canadamillu qaaqqusat aamma peqataassapput. Kangilinnguani sakkutooqarfiup pisortaa tunuartoq kontreadmiral Henrik Bunde Kudsk, issittumilu sakkutooqarfimmut pisortanngortoq generalmajor Stig Østergaard Nielsen aamma najuutissapput.

Læs "Her er militærets ghetto"

Læs "Forsvaret skaber nye arbejdspladser i Nuuk"

Læs "Arktisk Kommando får adresse i Nuuk"

Arktisk Kommando illersornissaqarfiup Atlantikup avannaani issittumilu suliaqarnermut qullersaqarfittaarissavaa nutaaq. Sakkutooqarfik Nuummut inissinneqarpoq Savalimmiuni Tórshavnimut attaveqaatilerlugu.

Arktisk Kommando tassaavoq Kangilinnguani Sakkutooqarfik aamma Savalimmiuni Sakkutooqarfiup ataatsimoortinneqarnerat illersornissaq pillugu isumaqatigiissut kingulleq aallaavigalugu.

Powered by Labrador CMS