Skip to main content

Nunarput Alcoamit tatisimaneqartoq

Alcoap akileraartussaatitaannginneq piumasaraa aamma ukiuni 80-ini pisinnaatitsissuteqarnissaq milliardilikkaanik aningaasaliinissaq sioqqullugu. Namminersorlutik oqartussat illuatungiliulluni piumasaqaateqarsinnaaneq suli angusinnaanngilaa taamak mianersoqqusivoq Nordregio-miik ilisimatooq  

Amerikamiut aluminiummimik suliaffeqarfissuat Alcoa akileraartussaatitaannginneq aamma ukiuni 80-ni ingerlatsisinnaaneq milliardilikkaanik aningaasaliinissaq sioqqullugu piumasaraat aamma Naalakkersuisut piumasaqaatit ilaannik tunniussinissaq akuersaarsinnaavaat.

Tamanna arfininngornermi Berlingskemi atuarneqarsinnaavoq.

Aviisi naapertorlugu Alcoa nukersornissaminut piareersimavoq milliardilikkaanik naleqarsinnaasumik, nunarsuarmi isumalluutit pillugit aamma kalaallit annilaanngatigimmassuk Alcoap Maniitsup eqqaani suliniumminnik unitsitsiinnarnissaat, naak taanna tassaasussaasoq naalagaaffeqatigiit oqaluttuarisaaneranni namminersortut aningaasaliinissaasa manna tikillugu annerpaartaat. 

 

Immikkut ilisimasalik ernumavoq
Namminersorlutik oqartussat piareersimaffigaat ingerlatsiviit akileraarutaanik CO2-mut akitsuusiinissaannut allaat Alcoa akilersuisinneqannginnissaat. Tamanna Klaus Georg Hansenip Nordregiomi Nunat Avannarliit naalakkersuisuisa siunnersuisoqatigiiffianni ilisimatusartut pisortaata aamma pisortaanerup tulliata, annilaanngatigaa. 

- Kalaallit Nunaat Alcoamik isumaqatigiinniarnernut illuatungiliuttunik piumasaqaasiinissamut piareersimanngilaq. Kalaallit Nunaanni ingerlatsivimmik inatsisilerituunik peqarluartumik sullissinissamut nukissaqanngilaq. Alcoa allornernik 17-inik Kalaallit Nunaannut naleqqiullugu siuarsimaneruvoq, Alcoamit aallartitat Kalaallit Nunaannit aallartitanik naapitsigaangamik. 

- Pissutsit Alcoamut Kalaallit Nunaanni atugassarititaasussat Afrikami Islandimilu pissarsiarisinnaasaasa akornannipput, Klaus Georg Hansen Berlingskemut oqarpoq.

Taanna 2006-imiit 2011-mut Namminersorlutik oqartussani immikkoortortami pisortaavoq.

Ukiup aappaata affaata matuma siorna Alcoa piumasaqaateqarpoq aningaasaliinissamut 24,5 milliarder koruuninit milliardi ataaseq peerneqassasoq nunanit allanit suliartortitat akissaatikittut, pingaartumik kinamiut atornerisigut. 

Piumasaqaat taanna piviusunngoratarsinnaavoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER