Skip to main content

Pisortaq: Tuparujussuarpunga

- Suna tamarmi minnerpaaq tikillugu pilersaarusiorneqarsimagaluarpoq. Taama ajortigisumik pisoqarsinnaanera uannut paasiuminaatsuuvoq, Permagreenip pisortaa oqarpoq

Ajutoornerup pisinnaanera Permagreen Grønland A/S-ip Nuummi Blok P-ip isaterneqarneranik isumaginnittup pisortaata tupaatigilluinnarlugulu eqqumiigisorujussuuaa.

- Blok P-mik isaterineq piffissami sivitsortumi maannamut suliaraarput, maannamullu sunnguamilluunniit ajutoortoqarsimanngilaq. Inuammiluunniit kilertoqarsimanani. Taavalu maanna taama pisoqarpoq! Taama pisoqarsinnaanera quarsaarutigeqaara. Sunami tamarmi pilersaarusioqqissaarneqarsimavoq. Betonngitaminersuit kingulliit qanoq peerneqarnissaat sunannguaq tamaat tikillugu piareersarneqarsimavoq, pisortaq Preben Kold Larsen Permagreenip allaffianit Sisimiuniittumit oqarpoq.

Læs "Blok P kollapset – mand i gravko ved bevidsthed"

Læs "Blok P er faldet"

Taassuma paasissutissaatigigallagai malillugit kranimik ingerlatitsisoq aqqunartitertoq suliffeqarfimmit isaterinerup nalaani Permagreenip suleqatigisaanit allameersuuvoq. Permagreenip isaterinermik sulianut atatillugu suliffeqarfik taannarpiaq siusinnerusukkut suleqatigisarpaa.

- Inissiarsuup immikkoortuisa kingulliit pingasut isaterneqarnerannut atatillugu ajutoorneq pivoq. Ilisimatinneqarnera malillugu mobilkranimit ammalortoq atorlugu uppisinneqartussaapput. Pilersaarutit malillugit suliaq 09.30 missaani naammassineqartussaavoq. Qanorli taava pisoqarpiarnera ilisimanngilara. Kisianni angut assaassutiniittoq aallaqqaammut kiggigussaavoq. Maanna aniguisinneqarsimalerpoq Sanaliaanneqarluni, Preben Kold Larsen oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER