Skip to main content

- Uuliasiornerup uumasut ilaat nungussinnaavaat

Namminersorlutik oqartussat namminneq avatangiisit pillugit siunnersuisuisa, DCE, mianersoqqussutigaa Kalaallit Nunaata imartaani uuliakoortoqassagaluarpat ajorluinnartumik kinguneqarsinnaasoq

Siornatigut sillimmasiinermik immikkut ilisimasallit Lloyds aamma Norsk Veritas-imeersut Kalaallit Nunaata imartaani misissueqqaarnerit aamma uuliamik gassimillu piiaanerit mianersoqqussutigaat. 

Maannakkut namminersorlutik oqartussat namminneq aatsitasalerinermi avatangiisit pillugit siunnersortai, DCE, Kalaallit Nunaata imartaani uuliakoortoqassagaluarpat ajorluinnartunik kinguneqarsinnaanera aarlerisaarutigaat, fagbladet Ingeniøren allapput.

DCE, Nationalt Center for Miljø og Energi, Aarhus Universitet (siornatigut DMU) tamanut saqqummiuteqqammerpaa Labradorip imartaani aamma Davisstrædip kujataani uuliamik gassimillu piiaanerup avatangiisinut sunniutigisinnaasaanik nalilersuineq.

Ilisimatuussutsikkut nalunaarusiami oqaatsit erseqqissut atorlugit mianersoqqussutigaat, issittup imartaani innarliasumi kulbrintitalinnik sammisaqarnerup nassataanik ajorluinnartumik kinguneqarsinnaanera. 

 

Uumasut ilaat imaluunniit uumasut aalajangersimasut nungutaasinnaapput
Tassaasinnaapput timmissat imaaniittut qiusut, perlertut imaluunniit ipisut, arferit toqunartunik eqqorneqartut, puisaaqqat amiisa uuliamik tarngunnermik kingorna toqquteqartut, aalisakkat toqusartut amerlinerat soorlu ammassaat, nipisaat, saarulliit, eqaluit aamma raajat, peqquit uillullu kiisalu qaammatikkaartunik aalisarnermik unitsitsinerit pissutaallutik aningaasatigut ajunaarnerit - ajorluinnartumillu pisoqassappat - uumasoqatigiit ilarparujussuisa ikilinerat imaluuniit nungutaavinnerat.  

Uuliasiornermut atatillugu avatangiisini ajorluinnartumik pisoqarsinnaanera uuliakoorujussuarmit aallaaveqassaaq. Tamanna qillerinerit ingerlanneranni pisinnaavoq, taaneqartartoq blowout imaluunniit uninngasuuteqarnermi ajutoornikkut uuliamilluunniit angallassinermi, Ingeniøren allappoq.

Naak ullutsinni taamannak pisoqartarnera qaqutigooraluartoq taamaattoq taamannak pisoqarsinnaanera isiginngitsuusaarneqarsinnaanngilaq, avatangiisit pillugit naliliinermi atuarneqarsinnaavoq, allaaserisami paasissutissat saqqummiunneqareersimasut sulilu saqqummiunneqanngitsut atorneqarput aamma ilisimatuussutsikkut  avatangiisinik  sananeqaatinillu misissukkat nutaat, ilaallutik sumiiffiit immikkut eriagisariallit kiisalu uumasut nungutaanissaminnut aarlerinartorsiortut kiisalu inuit namminneq piniarnerannit tunuliaqutitut atorneqartut. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER