Sarfaq Ittuk angalaqqissinnaalerpoq

Sinersortaat pingasunngormat unnukkut ikkarlereerluni Nuummut ingerlaqqinnissaminut akuerineqarpoq

Sarfaq Ittuk Søfartsstyrelsimit akuerineqarpoq Qaqortumiit Nuummukarnissaminut. Ass.: Ole G. Jensen
Sarfaq Ittuup angalanissamut pilersaarutaa sisamanngormat ualikkut kingusissukkut imatut isikkoqarpoq. Paasisaqarfik: RAL
Sarfaq Ittuk Søfartsstyrelsimit akuerineqarpoq Qaqortumiit Nuummukarnissaminut. Ass.: Ole G. Jensen Sarfaq Ittuup angalanissamut pilersaarutaa sisamanngormat ualikkut kingusissukkut imatut isikkoqarpoq. Paasisaqarfik: RAL Sarfaq Ittuk Søfartsstyrelsimit akuerineqarpoq Qaqortumiit Nuummukarnissaminut. Ass.: Ole G. Jensen Sarfaq Ittuup angalanissamut pilersaarutaa sisamanngormat ualikkut kingusissukkut imatut isikkoqarpoq. Paasisaqarfik: RAL Sarfaq Ittuk Søfartsstyrelsimit akuerineqarpoq Qaqortumiit Nuummukarnissaminut. Ass.: Ole G. Jensen Sarfaq Ittuup angalanissamut pilersaarutaa sisamanngormat ualikkut kingusissukkut imatut isikkoqarpoq. Paasisaqarfik: RAL

Sinersortaat Sarfaq Ittuk Søfartsstyrelsimit akuerineqarpoq Qaqortumiit Nuummut ingerlanissaminut.

Ilaasunillu ilaasoqarsinnaavoq, taamatut paasissutissiivoq Royal Arctic Line, taassumalu immikkoortoqarfiata Arctic Umiaq Linep Sarfaq Ittuk pigaa.

Suut tamarmik pilersaarutitut ingerlassappata Sarfaq Ittuk unnugu sisamanngornermi nal. 20 Qaqortumit aallassaaq, aqagu ullaakkut Arsummut tikissalluni, ullup unnuullu ingerlaneranni Paamiut Qeqertarsuatsiaallu aqqusaariarlugit arfininngorpat ullaakkut Nuummut tikissalluni.

Sarfaq Ittulli ippassaq tupaallannartumik ikkarlereerluni ajoquteqanngivinngilaq.

Atuaruk: "Ilaasoq: Isumaqarlunga kinngussasugut"

Atuaruk "Inuttat killisiorneqassapput"

"Takukkit: Assit: Sarfaq Ittuk immanngilaq"

Taamaattumik ajoquserneri - tassaanerusut naqqani singarnerit kigarnerillu - Nuummi iluarsaanneqassapput, tamannalu pissutigalugu Royal Arctic Line malillugu umiarsuaq qularnanngitsumik oktobarip 19-iata tungaanut Nuummiissaaq.

Taamaattumik sapaatip akunnerani tullermi Nuummit ilaasussat billetsisereersimasut billetsitik utertissinnaavaat, maanna ilaasut Nuummit sumunngarfissaminnut ingerlanneqarumaartut umiarsuaatileqatigiiffiup angallassinermut aalajangersagai malillugit, taamatut paasissutissiivoq Royal Arctic Line.

Sarfaq Ittummut angalanissamut pilersaarutit, sisamanngormat ualikkut kingusissumiit atuuttut, takukkit assip qullerpaap ataani assi normu 2 toqqarlugu.

Powered by Labrador CMS