Skip to main content

Issittumi suleqatigiinneq oqaluuserineqartoq

Issittumi suleqatigiinneq pillugu nassuiaat tunngavigalugu sisamanngornermi Folketingimi oqallittoqarpoq

Issittumi suleqatigiinneq pillugu nassuiaat tunngavigalugu sisamanngornermi Folketingimi oqallittoqarpat Issittoq qitiusumik sammineqassaaq.

Nassuiaat tunngavigalugu issittoq pillugu oqallittarneq 201-mi ukiakkut pilersinneqarpoq, oqallinnerlu pissaaq nunani avannarlerni Østersømilu suleqatigiinneq pillugu oqallinnerup ingerlanneqarnerata nalaani.

IA sinnerlugu Folketingimut ilaasortaq Sara Olsvig oqaaseqartutut oqallinnermut peqataassaaq.

- Folketingip ataatsimiittarfiani oqallinnerit tamakkua pinissaat pingaartorujussuuvoq, aamma Issittup aalajangersimasumik oqaluuserineqartalernera nuannaarutigisorujussuuara. Siorna Folketingimi partiit tamarmik oqaaseqartitaqarput, sisamanngornermilu oqallinnissaq qilanaaraara, neriullungalu sammisaq taamatulli soqutigineqartigissasoq, Sara Olsvig oqarpoq.

Piffissami kingullermi Nordisk Rådimi suleqatigiinnermi Issittoq sammineqarluarsimavoq.

Ilaatigut nunanut allanut isumannaallisaanermullu politikkimi nunat avannarliit suleqatigiinnerat pillugu 2009-mi Stoltenbergimik nalunaarusiaq saqqummiunneqarpoq 2012-imilu upernaakkut Islandimi Nordisk Råd ataatsimiillatsiarmat Issittoq pingaarnertut sammineqarpoq.

- Issittumi unammilligassat suleqatigiinnerunissamik piumasaqarfiunerat qularnanngilaq, aamma nunat avannarliit akornanni. Nunat avannarliit Issittumi Siunnersuisoqatigiinnut ilaasortanut arfineq-pingasunut tallimaallutik ilaasortaapput, nunanilu avannarlerni pingasut Issittup imartaanut sineriaqarput, taamaattumik ataatsimoorutissarpassuaqarpugut, Sara Olsvig oqarpoq.

Inassuteqaatit
Oqaaseqartutut saqqummiussassamini Sara Olsvigip ukiumi kingullermi Issittumi inatsisartunut ilaasortat suleqatigiffianni suliarisimasatik aamma iserfiginiarpai.

Inatsisartut ilaasortat suleqatigiiffiat qanittukkut issittumi naalakkersuisunut inassuteqaatinik arlalissuarnik nassiussaqarpoq tamatumalu peqatigisaanik Issittumi Siunnersuisoqatigiit issittumi naalakkersuinermik ingerlatsinerup nukittorsarnissaannik suleqatigiiffiup siunnersuutaanik imaqartumik nalunaarusiorluni.

Siumut sinnerlugu Folketingimut ilaasortaq Doris Jakobsen nassuiaat tunngavigalugu oqallinnermut peqataanissamut periarfissaqanngilaq piartortut uninngaviannik pilersitsisoqarnissaanik siunnersuutaa pingasunngornermi Inatsisartuni oqaluuserineqarmat. Christiansborgimilu oqallinnerup peqataaffigiartornissaanut periarfissaqanngilaq. 

Issittumi suleqatigiinneq nunanilu avannarlerni suleqatigiinneq pillugit nunanut allanut ministerip nassuiaataa pillugu isumaqatigiinniarnerit uani atuarneqarsinnaapput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER