Atortittartunik oqalunneq mamiagineqartoq

- Piumatussutsip innuttaasut ileqqussatut malitaat aserorterpaat, Sermitsiaq.AG.-mi atuartartut ilaat isumaqarput

Assi: Caesar/World Brothel

Inuit amerlaqisut mamiatsaatigeqaat Maniitsumi hoteliutillip Søren Lyberthip, arnat atortittartut pillugit oqaaserisaa, Maniitsup eqqaani Alcoamik suliniutip aallartinneranut atatillugu kinamiut tusindelikkaat Maniitsumut tikittalernissaat pillugu.

- Unammilligassaq piareersimaffigaarput. Kinamiut illoqarfimmut akuliunnissaat tikilluaqquneqarpoq. Arnanik atortittartunik pilersitsisinnaavugut aningaasatigut ingerlariaqqinniassagatta inuit aningaasarsiutigisinnaasaannik, Søren Lyberth DR'ip radiokkut aallakaatitaanut Orientering-imut issatsiaq oqarpoq.

Manna tikillugu nittartakkatsinni Sermitsiaq.AG.-mi allaaserisaq 100 missaannit oqaaseqarfigineqarpoq. Amerlanerpaat Søren Lyberthip oqaaseqaatai akuersaarsinnaanngilaat, ilaasa saqqummiukkusuppaat atortittartunik oqallinneq pisariaqarmat, atuartartoq alla isumaqarpoq 'taamak siunnersuuteqarsinnaaneq sapiitsuliornerusoq sammisaq nunatsinni paquminartorujussuaq pillugu'.

Sofia Rossen:

  • Søren Lyberthip nuliani, panini ernuttani inequnartoq kinamiunut imaluunniimmi allanut atortittartunngortikkusuppai, nammineq suliffeqarfiutimi aningaasarsiornissaa pillugu? Inunnik isiginnittaaseq imaannaanngik! Inuit allat timiminnik tuniniaassasut nammineq aningaasarsiorniaannarluni? Arnamut Kinaminngaanneersumut imminut tuniniarusunnerluni? Naagga, uanga isumaqanngilanga atortittartoqarneq nunatsinni atugaalissanngitsoq neriuutigaaralu Inatsisartut aamma Naalakkersuisut sammisaq una inunnik ammut isiginnittoq pillugu erseqqissaatinik oqaaseqarfigissagaat, taanna ullut ilaanni ullormut oqaluuserisassanut ilanngutissagaluarpat!

Pia Johnsen:

  • Oqallinneq soqutiginaq inunnik isumaginninnermik suliaqarsimasutut qilanaarlunga malinnaaffigisassara. Atortittartoqarneq nunani tamaginni takussaavoq aamma maani! Isumaqarpunga aaqqissuussaasumik ingerlanneqartariaqartoq, kinamiunik 2000-t inuiaqatigiinnut mikisunut matoqqasunullu nassiussuilinnginnermi. Oqaaseqaat, oqaaseqatigiinnit qiugaavoq isumaqarpunga pissusissamisuunngitsoq Søren Lyberthip ilaqutariivi oqallinnermut ilanngussuunnissaat!

Henrik Lund-Andersen:

  • Piumatussutsip innuttaasut ileqqussatut malitaat aserorterpaat. Silaasaqaraluarnerluni, oqaatsimmi taakku politikerimit nuimasumit aamma politikeriusimasumit saqqummiunneqarput. Maajunnaq!

Dorte Hansen:

  • Torrak inuit ilaat oqaasissaarutsitsisarneri. Ilungersuuteqarnerit ataqqinassutigivat. Inuilliuku qanoq isigaagit? Hr. Lyberthip nammineq nuliani aamma/imaluunniit panini suliffeqarfimmut eqqartukkaminut sulisikkusulersinnaanerlugit? Taamak isumaqanngilanga. Ilumoorluinnarputit: Kuulti akisuallaamik pisiarineqarsinnaavoq.

John Ferrall:

  • Oqallinneq oqaloqatigiinnerlu isummanik anititsinermi pingaaruteqaqaat. Matumani sammisaq ammasumik oqallissutigalugu nilliaatigisariaqarpoq Maniitsumi innuttaasut suleqataasalu naleqartitatik siunissartillu paarilluarniassammassuk. Qujanarpoq illit allallut sapiillusi oqallinnermik ammaagassi. Tapersersorpassi.

Robert Holmene:

  • Uagut inuiaqatigiinni paqumigisatsinnik saqqummiussisoqarnera sapiitsuliorneruvoq... Isumaqataanngilanga taamaattoq inerniliussassamik peqanngilanga... Aamma Ilissi oqalliseqataasut taamaattumik peqanngitsusi takusinnaavara... Kisianni ajornartorsiut erseqqippoq: Qanoq iliorluta aniguiniassanersugut - sammisap paquminartup aamma inuit sanngiitsut atuarnertik maannangaaq unitsittariaqarpaat - Kinamiut sulisartut 2000-t qanoq atoqateqarnissaminnik pisariaqartitsinerat naammassineqartariaqarpa? Uagutsituulli inuupput... Uagutsituulli nerinissaq, imernissaq, inunnik akuliusimanissaq upperinngikkaluarussiulluunniillu.. aamma atoqateqarnissaq pisariaqartippaat.. taannalu tunngaviusumik ajornartorsiut aaqqinneqanngippat, aap, taava annilaanganarnerpaanik eqqarsaatersuuteqarsinnaavugut, inuup atoqatigiinnikkut amigaatiminik naammassinniniarluni iliuuserisarsinnaasai pillugit (Allappunga inuk, pissutigalugu angutit kisimik kajumissuseqartuunngimmata). Oqallittunut ilissinnut apeqqutigerusuppara: Qanoq ilissi siunnersuutissaqarassi ajornartorsiutip taassuma anigornissaanut? Nalunngilarsimi atoqateqartanngikkaanni susoqarsinnaanersoq...

Oqaaseqaatit allat uani atuarneqarsinnaapput.

Powered by Labrador CMS