FC Jakip akiniaavoq

Aarhusimeersut Nanok FC-meersut qungujulavallaarunnaarput. Strafferluni isertitsisaqattaartoqareersorlu FC Jakip ajugaavoq

Assiliisoq: Rimdal Th. Høegh
Assiliisoq: Rimdal Th. Høegh
Ajugaasut. Assiliisoq: Rimdal Th. Høegh
Assiliisoq: Rimdal Th. Høegh
Ajugaasut. Assiliisoq: Rimdal Th. Høegh Assiliisoq: Rimdal Th. Høegh Assiliisoq: Rimdal Th. Høegh Assiliisoq: Rimdal Th. Høegh Ajugaasut. Assiliisoq: Rimdal Th. Høegh Assiliisoq: Rimdal Th. Høegh Assiliisoq: Rimdal Th. Høegh Assiliisoq: Rimdal Th. Høegh

Unamminermi kingullermi Nanok FC-mut 11-3-mik ajorsarujussuareersimalluni FC Jakip nakimaalluni Aalborgimut utersinnaanngorpoq. Jakip 7-6-imik ajugaavoq.

Aarhusimi Viby Stadionimi sapaammi arsaalluni unammineq naligigiinnarfiulluni 2-2-mik inerneqarpoq, taamalu strafferluni isertitsisaqattaarniuttoqartussanngorluni, Nanok FC-lu isertitseriarnerit ilaanni itigarmat FC Jakipilu isertitseriarnerminik tallimanik tamanik isertitsimmat, Jakip FC Aalborgimeersoq 7-6-imik ajugaavoq.

Arsaattut isiginnaartunit amerlanerugaluartut unammisut tamarmik pimoorussilluinnarput, aamma naak ikinngutigiittut unamminerinnaagaluartoq. Tassami ataqqisaaneq tusaamasaanerlu aamma isumagisariaqarput.

Ukiuunerani naapinnissaq
Holdit taakkua marluk ukiuunerani naapittarnissamik pilersaaruteqarput, tamatumanilu Københavnimeersut FC Nanoq peqataaqquneqaraluarluni; nunaqqatittalumi peqataanissartik aamma sapissagunanngilaat, aningaasaliisuminnit qujageqisaminnit tapiiffigineqarlutik.

FC Jakipimut aningaasaliisut tassaapput Suliplus, pbang++, Aalborg Havn aamma Kalaallit Illuutaat, Nanok FC-mut aningaasaliisut tassaasut Royal Greenland aamma Telemark. Aningaasaliisut ilaatigut angalanermut tapiissutaat pinngitsoorneqarsinnaanngillat, timersoqatigiiffiit nalunaarput.

Taaguut Jakip taamani Jyllandip avannaani kalaallit ilinniagaqartut peqatigiiffiata Jyllandip Anannaani Kalaallit Ilinniagaqartut Peqatigiiffiannik taaguuteqarallarneraneersuuvoq, peqatigiiffillu suli atuuppoq, maannali Danmarkimi nuna tamakkerlugu kattuffiup Avalaap immikkoortortaralugu.

Powered by Labrador CMS