Skip to main content

Inuusuttuaqqat alloriaqqittut

Suliniut TIMI ASIMI inuusuttuaqqat 20-t peqataaffigisaat ikiueqqaarnermik pikkorissartitsinermik ingerlatsereerpoq – sapaatip akunneri 13-it unammilligassanik ulikkaartut aallartilerpaat

Sapaatip akunnerini 13-ini tulliuttuni inuusuttuaqqat TIMI ASIMI suliniummi peqataasut timikkut unammilligassarpassuaqarput misigisassaqaqalutillu. Kalaallit Røde Korsiat peqatigalugu nalunaaqquttap akunnerini 24-ini ikiueqqaarnermik pikkorissarneq naammassisimalerpaat.

Sapaatip akunnerata tulliani Itinneranut aallaarsimaariartorlutik aallassapput sap. ak. marlunni unammillernartunik sammisaqassallutik. Itinnerani pinngortitami nuannersorsuarmi ullormut sammisaqartinneqarnerminnut atatillugu 130-150 kilometerit missaat ingerlaassavaat.

Itinneraniinnermi pilersaarutaavoq inuusuttuaqqat Kapisilinnut 10 kilometerit missaat pisullutik inuiaqatigiinnik kiffartuussinertut, Kapisillit umiarsualivianni saliisinneqassapput. Kingorna angerlamut pisullutik qasuersaariartorlutik.

Suliniut ukiaq manna ingerlasoq Namminersorlutik Oqartussanit aningaasalersorneqarpoq Nuummi Piareersarfik suleqatigalugu ingerlalluni. Kommuni inissaqartitsisuuvoq inuusuttut ornittagaat ALLEQ suliniummi peqataasut inigaat, NUIF suleqatigalugu aaqqissuussaalluni, Kim Godtfredsen ilisimatitsivoq, taassuma TIMI ASIMI suliniut isumassarsiaraa.

Inussuttuaqqat nutaat aallarterlaajutigut nukissanik piumassusermillu ulikkaarput. Tamaattumik uagut suliniummik ingerlatsisut suli qilanaarnerulerpugut inuusuttuaqqat annermik piginnaanngorsarnissaannut aamma imminnut tatiginerulernissaannut ikiussallugit siunissami ilinniakkamik aallartitsiniassammata. 

 


Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER