Sorlaap Kaalinnguamit saassunneqarnini tunngavissaqannginneraraa

Sorlak siulittaasuusimasumit Kaalinnguaq Siegstadimit eqqunngitsuliornerarneqarpoq. Siulittaasumik peersitsineq pissusissamisoorpoq, Sorlammit tutsiuppoq

Aili Liimakka Laue. Assi: Sorlak

- Kaalinnguaq Siegstadip nutaamik pisuutitsiniarnera ilumoortortaqanngilaq. Aallaqqaataanit naggatissaanut inatsisit malippagut, Sorlammi siulittaasuugallartoq Aili Liimakka Laue, Sermitsiaq.AG.-mut oqarpoq, Kaalinnguaq Siegstadip unioqqutitsisumik siulittaasuunerminit peersitaalluni nalunaaruteqarnerata kingorna.

Atuaruk "Kaalinnguup Sorlak saassuppaa"

Ailip innersuussutigaa, suliniaqatigiiffiup malittarisassai naapertorlugit siulittaasumik peersitsisoqarsinnaammat, taassuma suliniaqatigiiffiup ilisimaneqarnera innarlerpagu. Aamma Kaalinnguaq Siegstadip siulittaasutut tunuartitaanermik nalunaarut pissarsiarigaa, Sorlaap innuttaasunut nalunaaruteqarnera sioqqullugu.

Illuatungeriinnut assut ajuusaarnarpoq
Aili Liimakka Lauep ilumuunnginnerarpaa inatsisit unioqqutillugit nammineq siulittaasuugallartutut inissinneqarnermi - siulittaasup tulliaanngitsoq - kukkuluttornerusoq. Tamanna paragraffit naapertorluinnarlugit ingerlatsineruvoq, Sorlammi siulittaasunngorallartoq oqarpoq.

- Kaalinnguamut namminermut ajuusaarnartorujussuuvoq, kisiannili aamma Sorlammut, pisuutitsiniutinik nutaanik saqqummiinera, Aili Liimakka Laue oqarpoq.

Powered by Labrador CMS